ԵՐԵՎԱՆ, 20 նոյեմբերի. /Նովոստի Արմենիա/. Երեկ՝ նոյեմբերի 19-ին, արտակարգ դեպք է տեղի ունեցել Կոտայքի մարզում։
Ժամը 17:40-ի սահմաններում Եղվարդ քաղաքի Նաիրի բժշկական կենտրոնից ոստիկանության Նաիրիի բաժին ահազանգ է ստացվել, որ անգիտակից վիճակում շտապօգնության հերթապահ խումբը Արմենիա բժշկական կենտրոն է տեղափոխել մի քաղաքացու:
Загружается новость ... "Лево"
Ինչպես հայտնում է shamshyan.com–ը, պարզվել է, որ քաղաքացին Կոտայքի մարզի գյուղերից մեկի բնակիչ, 34-ամյա Գրիշա Մ.ն- է: Ոստիկանները պարզել են, որ նույն օրը Գրիշա Մ.-ն տանը կենցաղային հարցերի շուրջ վիճաբանություն է ունեցել տան անդամների հետ, այնուհետեև դուրս է եկել տանից և գնացել Արագյուղ գյուղի վարչական տարածքում գտնվող «Չայի ափ» կոչվող ձորակ և պարանով ծառից կախվելու միջոցով փորձել է ինքնասպան լինել:
«Բարեբախտաբար, երբ նա տանից դուրս է եկել, նրա հետևից գնացել է հորեղբոր որդին, 27-ամյա Շահեն Մ.-ն, ով կարողացել է իր կրակայրիչով պարանը կտրել և ցած իջեցնել Գրիշա Մ.-ին», – հայտնում է աղբյուրը:
Բժիշկները հայտնել են, որ նա ի վիճակի չէ կատարվածի մասին բացատրություններ տալ: Փաստի առթիվ ոստիկանության Նաիրիի բաժնի հետաքննչական բաժանմունքում հետաքննություն է սկսվել: –0–