Արտակարգ դեպք Կոտայքի մարզում. վերջին պահին կանխվել է ինքնասպանության փորձը

ԵՐԵՎԱՆ, 20 նոյեմբերի. /Նովոստի Արմենիա/. Երեկ՝ նոյեմբերի 19-ին, արտակարգ դեպք է տեղի ունեցել Կոտայքի մարզում։

Ժամը 17:40-ի սահմաններում Եղվարդ քաղաքի Նաիրի բժշկական կենտրոնից ոստիկանության Նաիրիի բաժին ահազանգ է ստացվել, որ անգիտակից վիճակում շտապօգնության հերթապահ խումբը Արմենիա բժշկական կենտրոն է տեղափոխել մի քաղաքացու:

«Բարեբախտաբար, երբ նա տանից դուրս է եկել, նրա հետևից գնացել է հորեղբոր որդին, 27-ամյա Շահեն Մ.-ն, ով կարողացել է իր կրակայրիչով պարանը կտրել և ցած իջեցնել Գրիշա Մ.-ին», – հայտնում է աղբյուրը:

Բժիշկները հայտնել են, որ նա ի վիճակի չէ կատարվածի մասին բացատրություններ տալ: Փաստի առթիվ ոստիկանության Նաիրիի բաժնի հետաքննչական բաժանմունքում հետաքննություն է սկսվել: –0–