Տավուշում ամբողջությամբ այրվել է մոտ 400քմ մակերեսով երկհարկանի տուն

ԵՐԵՎԱՆ, 13 դեկտեմբերի./Նովոստի–Արմենիա/. Այսօր գիշերը Բագրատաշեն գյուղում ամբողջությամբ այրվել է 375քմ մակերեսով տուն։

ՀՀ ԱԻՆ Փրկարար ծառայության հաղորդմամբ, դեկտեմբերի 13-ին ժամը 01:54-ին «911» ծառայությանն ահազանգ է ստացվել, որ Տավուշի մարզի Բագրատաշեն գյուղում այրվում է տուն:

Պարզվել է, որ հրդեհը բռնկվել է Լ. Խ.-ին պատկանող երկհարկանի տանը:

Հրդեհը մեկուսացվել է ժամը 07:03-ին, մարվել՝ 07:18-ին:

«Ամբողջությամբ այրվել է տունը՝ 375 քմ, ներքնահարկում՝ կուտակած 15 խմ վառելափայտ, 10 անվադող և 20 լ-ոց տարաներով մոտ 200 լ շարժիչի յուղ», – նշվում է գերատեսչության հաղորդագրության մեջ։–0–