ՃՏՊ Սևան-Դիլիջան ավտոճանապարհին. տուժածների վիճակը կայուն ծանր է

ԵՐԵՎԱՆ, 10 ապրիլի. /Նովոստի-Արմենիա/. Երկուշաբթի ավտովթար է տեղի ունեցել Սևան-Դիլիջան ավտոճանապարհին:

Ինչպես հայտնում է ՀՀ ԱԻՆ փրկարար ծառայությունը, ժամը 08:31-ին ահազանգ է ստացվել, որ Սևան-Դիլիջան ավտոճանապարհի 22-րդ կմ-ին տեղի է ունեցել ՃՏՊ, կան տուժածներ:

Դեպքի վայր է մեկնել մեկ մարտական հաշվարկ:

«Պարզվել է, որ Մ-4 ավտոճանապարհի Սևան-Դիլիջան հատվածի 22-րդ կմ-ին բախվել են «Volkswagen» մակնիշի (վարորդ՝ 1973 թ. ծնված Ա. Ն.) միկրոավտոբուսը և «Daewօo» մակնիշի (վարորդ՝ Գ. Ե.) ավտոմեքենան, ինչի հետևանքով «Daewօo» մակնիշի ավտոմեքենայի վարորդը և ուղևորը արգելափակվել են ավտոմեքենայի մեջ», - նշվում է հաղորդագրության մեջ:

Փրկարարները «Daewoօ» մակնիշի ավտոմեքենայից դուրս են բերել 1984 թ. ծնված Գ. և 1962 թ. ծնված Ջ. Ե.-երին, ովքեր հոսպիտալացվել են Սևանի ԲԿ: Բժիշկները տուժածների առողջական վիճակը գնահատել են կայուն ծանր: -0-