Թուրքիայի հետ սահմանի բացումը Հայաստանի համար արտահանման լայն հնարավորություններ կտա

ԵՐԵՎԱՆ, 15 մարտի./Նովոստի–Արմենիա/. Թուրքիայի հետ սահմանի բացումը Հայաստանի համար արտահանման լայն հնարավորություններ կտա, հայտարարեց էկոնոմիկայի նախարար Վահան Քերոբյանը ԱԺ տնտեսական հարցերի մշտական հանձնաժողովի նիստի ժամանակ։

«Ներկրման մասով կլինեն աննշան փոփոխություններ, քանի որ այսօր ևս դրա համար խոչընդոտներ չկան», – ասաց նա։

Քերոբյանը նշեց, որ Թուրքիայի հետ Հայաստանի ապրանքաշրջանառությունը 2022թ.–ին կազմել է մոտ 320մլն դոլար և պայմանավորված էր առավելապես ներկրումով։–0–