ԵՐԵՎԱՆ, 26 հունվարի. /Նովոստի–Արմենիա/. Bitcoin Center NYC-ի հիմնադիր ու տնօրեն, բլոքչեյնի հիման վրա տեխնոլոգիաների զարգացման առաջատարներից մեկը` Նիք Սփանոսը, կարծում է, որ բլոքչեյնի ու բիթքոինի տեխնոլոգիաները կարող են օգնել հայ գործարարներին նոր շուկաներ մտնելու հարցում:
«Հայաստանում ես հանդիպեցի փոքր բիզնեսով զբաղվող գործարարի հետ: Նա ասաց, որ իր արտադրանքն ուղարկում է արտերկիր, սակայն վճարային համակարգում առկա խնդիրների պատճառով չի կարողանում ստանալ իր փողը: Իսկ կրիպտոարժույթը մարդկանց հնարավորություն է տալիս առանց միջնորդների ստանալ վաստակած գումարը, հավասար պայմաններ է ստեղծում», - ասաց Սփանոսը:
Բիթքոինների բանկոմատ ստեղծելու մեկ այլ առավելությունը, նրա խոսքով, գաղտնագրման լուրջ մեդոթների շնորհիվ տրանզակցիաների կեղծումների անհնարինությունն է:
Նրա խոսքով, մարդիկ առաջին անգամ կարող են վստահել միմյանց, ու այդ վստահությունն ապահովվում է բիթքոինների շնորհիվ:
Միաժամանակ Սփանոսը նշել է, որ լրատվամիջոցներում հաճախ արծարծվող կանխիկացումների անանուն լինելու հնարավորը խնդիրը բիթքոինի տեխնոլոգիայի աշխատանքի սկզբունքները չհասկանալն է:
«Տրանզակցիաները հնարավոր չէ կեղծել և դրանց հնարավոր է հետևել` սկսած ամենաառաջինից: Իսկ եթե ցանկություն կա պահել գաղտնիությունը` գոյություն ունեն այլ կրիպտաարժույթներ, բայց չկա տեխնոլոգիա, որն ապահովում է 100-տոկոսանոց գաղտնիություն: Կարելի է լինել բիթքոինի կողմնակից կամ հակառակորդ, բայց չի կարելի ասել, որ դա չի աշխատում: Դրանից այժմ բոլորն են օգտվում, և օգտագործողների թիվն աճում է անասելի ծավալներով»,- ասել է նա:
Բիթքոինի ռեկորդային փոխարժեքը գրանցվել է 2017 թվականի դեկտեմբերի 17–ին, երբ կրիպտոարժույթը հաղթահարել է 20 հազար դոլարի հոգեբանական արգելքը, իդկ դրա կապիտալացումը գերազանցել է 336 մլրդ դոլարը։ coinmarketcap.com–ի տվյալներով, կրիպտոարժույթի փոխարժեքը 2018 թվականի հունվարի 25–ին կազմում է 11.5 հազար դոլար, իսկ կապիտալացումը` 192.8 մլրդ դոլար, ինչը համապատասխանում է բոլոր կրիպտոարժույթների կապիտալացման ընդհանուր ծավալի 34.3 տոկոսը։
Բլոքչեյնը տվյալների պահման ձև է կամ տրանզակցիաների, գործարքների, պայմանագրերի թվային ռեեստր։ Դրա գլխավոր տարբերությունն ու անվիճելի առավելությունն այն է, որ այդ ռեեստրը չի պահվում ինչ–որ մի տեում։ Այն տեղաբաշխված է մի քանի հարյուր կամ նույնիսկ հազար համակարգիչների շրջանում ողջ աշխարհով։ Տվյալների այդ բազան ինչ–որ գործարք կրկնակի օգտագործելու հնարավորություն չի տալիս։ Բլոքչեյնը բացառում է ֆիզիկական միջնորդներին (մարդկանց կամ ընկերություններ), որոնք կարող են շահ ունենալ տրանզակցիաներից` համակարգը կառուցված է մաթեմատիկական ալգորիթմների վրա։ -0-