ԵՐԵՎԱՆ, 19 դեկտեմբերի. /Նովոստի–Արմենիա/. Արևելյան հորոսկոպով 2019 թ.–ի փետրվարի 5–ին սկսվում է Դեղին Հողե Խոզի տարին։ Կա կարծիք, որ խոզը շատ աշխատասեր է և ակտիվորեն հովանավորում է այն մարդկանց, ովքեր ցանկանում են կառուցել կարիերա և սկսել բիզնես։ Այն մարդկանց մոտ, ում անձնական կյանքը մինչև հիմա չի ստացվել, Դեղին Հողե Խոզի տարում կունենան մեծ փոփոխություններ անձնական կյանքում, 2019 թ.–ը հնարավորություն կընձեռի դառնալ իսկապես երջանիկ։ Ընդհանուր առմամբ, դեղին Հողե Խոզին բնորոշ գծերից են խոհեմությունը, համբերությունը, լրջախոհությունը, ըմբռնողությունը, մանրակրկիտությունն ու ազնվությունը։ «Նովոստի–Արմենիա» գործակալությունը բազմիցս իր ընթերցողներին տեղեկացրել է, թե ինչպես կարելի է գցել բյուջետային ամանորյա սեղան, ինչպես ուրախացնել հարազատներին և ընկերներին ոչ թանկարժեք, սակայն հաճելի նվերներով։ Հիմա էլ առաջարկում ենք ծանոթանալ այն հարցերի հետ, թե ինչպես պետք է դիմավորել առաջիկա տարին և ուսումնասիրել նվերների տարբերակները, որոնք նախընտրում է 2019 թ.–ի խորհրդանիշը` Խոզը։
Ինչպիսի՞ն է լինելու գալիք տարին
2019 թ.–ի հովանավոր Խոզն ունի հանգիստ բնավորություն, տարին նույնպես խոստանում է լինել համաչափ և հանգիստ։ Ֆինանսական տեսակետից 2019 թ.–ին հարկավոր է լինել առավելագույնս ուշադիր։ Յուրաքանչյուր ծախսի շուրջ, հատկապես խոշոր, հարկավոր է մանրամասն մտածել, իսկ շատ թանկարժեք նվերներն ավելի լավ է հնարավորության դեպքում հետաձգել հաջորդ տարվա։ Գալիք տարում փորձեք առավելագույն ժամանակ հատկացնել հարազատներին և ձեզ շրջապատող մարդկանց։ 2019 թ.–ը լավ տարի է հարազատների հետ ակտիվ ճամփորդության և հանգստի համար։ Տարվա գույներն են ձիթապտղի, սուրճի, ընկույզի գույնը, խոլորձագույնն ու բաց կապույտը, հենց այս գույներն են ստեղծելու անհրաժեշտ ներդաշնակությունն ու հավասարակշռությունը։
Ինչպե՞ս դիմավորել Դեղին Հողե Խոզի տարին
Դեղին Հողե Խոզի տարին ամենից լավ է դիմավորել ընտանիքի կամ ամենամտերիմների շրջապատում: Տոնական հագուստը պետք է լինի դեղնադարչնագույն երանգներով: Բացի այդ, քանի որ տարվա խորհրդանիշ խոզի սիրում է ամեն բնականը, հրաժարվեք սինթետիկայից, ընտրեք բնական կտորներ:
Դեղին Հողե Խոզի տարվա տոնական սեղանը պետք է առատ լինի զանազան կերակրատեսակներով` բազմաթիվ աղցաններ, մսե ճաշատեսակներ (բացի խոզի մսից), աղանդեր պատրաստեք: Բացի այդ, մի զրկեք ձեզ ձեր սիրած կերակուրից` համարվում է, որ Խոզի տարում կերածն օգուտ է բերելու:
Ի՞նչ նվիրել Դեղին Հողե Խոզի տարում
Ինքը` խոզը, ոչ միայն շատ աշխատասեր և անկեղծ, այլ նաև շռայլ կենդանի է, այնպես որ մի ափսոսեք գումար ծախսել նվերների վրա: Ինչպես ասում են` լավագույն նվերը պիտանի նվերն է: Նվերներ ընտրելիս հաշվի առեք հասցեատիրոջ նախընտրությունները, նաև չանտեսելով տարվա հետ կապված նվերների ընտրության ընդհանուր խորհուրդները: Բացի այդ, նվերն ավելի լավ է գնել նախապես` չթողնելով վերջին օրվան:
Նվերը պետք է համադրի էսթետիկան և կիրառելիությունը: Օրինակ, քանի որ Խոզը հարմարավետության, տան ջերմության սիրահար է, ապա ընտրեք մի իր, որը ներդաշնակ կերպով կզարդարի բնակարանը կամ կենցաղը: Դա կարող է լինել տաք շարֆ, գեղեցիկ նկար կամ սպասք:
Եթե ցանկանում եք հագուստ նվիրել, հիշեք, որ այն պետք է հարմար լինի: Խոզուկները չեն սիրում շարժումը խանգարող իրեր: Ընտրեք ինչ-որ ազատ շոր, օրինակ, տան խալաթ, գիշերազգեստ կամ սիրում գիշերանոց մոտիկ մարդու համար: Կարելի է ընտրել նաև գեղեցիկ վերնաշապիկ կամ գեղեցիկ պրինտով սվիտեր:
Անշուշտ, 2019 թ.-ին ամենատարածված նվերը կլինի խոզի պատկերով խնայատուփը, նման նվերը ոչ թանկ է և պրակտիկ: Մի մոռացեք սիրուն մատուցել ընտրած նվերը: Փաթեթավորեք ձեր նվերը, ավելացրեք անկեղծ շնորհավորանքներով և ցանկություններով բացիկ:
Օգտակար խորհուրդներ
Գալիք տարվա խորհրդանիշ խոզուկին չզայրացնելու համար հրաժարվեք խոզի տեսքով արձանիկներգնելուց, ինչպես նաև ապարանջաններից, շղթաներից, ժամացույցներից: Խոզուկները չեն սիրում շղթաներ և ամեն կերպ փորձում են ազատվել դրանցից: Խորհուրդ չի տրվում նաև մատանիներ նվիրել: Խոզուկը չի գնահատի նաև մանր զարդարանքներն ու անպետք իրերը, որոնք հնարավոր չէ օգտագործել կենցաղում, քանի որ խոզը պրակտիկ կենդանի է:
Խոզուկները սիրում են համեղ ուտել, այնպես որ նրանք կգնահատեն ցանկացած գաստրոնոմիական նվեր, բացի խոզի մսից և դրանից պատրաստված մթերքներից` երշիկեղեն, խոզապուխտ, ապխտեղեն:
Նոր տարին արդեն սարերի հետևում չէ, և դուք արդեն գիտեք` ինչպես այն դիմավորել և ինչ նվիրել հարազատներին ու ընկերներին:
Մաղթում ենք ուրախ Ամանոր
Նյութը պատրաստվել է ԱՄԻ «Նովոստի–Արմենիա»–ի և ՀՀ կենտրոնական բանկի Սպառողների շահերի պաշտպանության և ֆինանսական կրթման կենտրոնի (www.abcfinance.am) «Ֆինանսական գրագիտություն» համատեղ նախագծի շրջանակում
