ԵՐԵՎԱՆ, 6 հունիսի./Նովոստի–Արմենիա/. Նախկին պատգամավոր, գեներալ Մանվել Գրիգորյանը հրաժարվել է բժշկական օգնությունից և դեղորայք ընդունելուց, հինգշաբթի լրագրողներին ասաց Հայաստանի օմբուդսմեն Արման Թաթոյանը։
Նախօրեի գիշերը Գրիգորյանի առողջական վիճակը կտրուկ վատացել է։ Նա ՔԿՀ–ից տեղափոխվել է քաղաքային հիվանդանոց։ Ինչպես ավելի վաղ հաղորդվել էր, նախկին պատգամավորը հիվանդանոց էր տեղափոխվել կոմայի վիճակում։
«Սուրբ Գրիգոր Լուսավորիչ» բժշկական կենտրոնի փոխտնօրեն Պետրոս Մանուկյանը «Նովոստի–Արմենիա» գործակալությանը հայտնել է, որ Գրիգորյանի առողջական վիճակը ծանր է մնում, նա բժիշկների հսկողության ներքո է։ «Գրիգորյանը հիվանդանոց է տեղափոխվել «Շտապօգնության» մեքենայով հունիսի 6–ի լույս գիշերը 1։30–ի-2։00–ի սահմաններում կողմերի համաձայնությամբ և ստացված ահազանգով։ Նրա առողջական վիճակը գնահատվել է ծանր և գրեթե նախակոմատոզ, քանի որ արյան մեջ շաքարի մակարդակը բավականին բարձր էր և որոշակի տոքսիկացիա կար»,– ասել է Մանուկյանը, ընդգծելով, որ Գրիգորյանը կոմայում չի եղել։
Загружается новость ...
"Право"
«Այսօր գիշերը նա տեղափոխվել է քաղաքացիական բուժհաստատություն առողջական վիճակի հետ կապված։ Գրիգորյանը հրաժարվում է ցանկացած տեսակի բուժօգնությունից, հրաժարվում է նույնիսկ դեղորայք ընդունելուց, այդ թվում, շաքարային դիաբետի»,– ասաց նա, նշելով, որ չի կարող ներկայացնել Գրիգորյան առողջության հետ կապված մանրամասներ բժշկական գաղտնիքի պատճառով։
Նրա խոսքով, ինքը նամակով դիմել է արդարադատության նախարար Արտակ Զեյնալյանին` ճշտելու համար, թե կան արդյոք ՔԿՀ–ում պայմաններ Գրիգորյանին բժշկական օգնություն տրամադրելու համար։
«Եթե կան, ապա որոնք են, եթե ոչ, ապա պետք է քննարկել պատշաճ օգնություն տրամադրելու հարցը»,– ասաց Թաթոյանը։ -0-
