ԵՐԵՎԱՆ, 6 հունիսի./Նովոստի–Արմենիա/. Երևան քաղաքի ընդհանուր իրավասության դատարանը հայտարարեց, որ ուսումնասիրել է Քոչարյանի պաշտպանության` նրա գույքի վրա արգելանք դնելու բողոքի նյութերը։ Որոշումը կհայտարարվի հունիսի 7–ին։ Այս մասին դատական նիստի ընթացքում հայտնեց դատավոր Աննա Դանիբեկյանը։
Հայաստանի նախկին նախագահ Ռոբերտ Քոչարյանը մեղադրվում է ՀՀ քրեական օրենսգրքի 300.1-րդ հոդվածի 1-ին մասով և 311-րդ հոդվածի 4-րդ մասի 2-րդ կետով` ՀՀ սահմանադրական կարգը տապալելու և առանձնապես խոշոր չափերով կաշառք ստանալու մեջ։ 2018 թվականի հուլիսի 30–ին ՀՔԾ քննիչի որոշմամբ, նրա ամբողջ գույքի վրա արգելանք է դրվել։ Քոչարյանի պաշտպանները դատախազությունում բողոքարկել են տվյալ որոշումը, բայց բողոքը մերժվել է, ինչից հետո պաշտպանական կողմը դիմել է դատարան։ Արգելանք է դրվել նաև Քոչարյանի կենսաթոշակային հաժվի վրա, որը, սակայն, հանվել է Մարդու իրավունքների պաշտպանի պահանջով։
«Բողոքի քննությունն ավարտված է։ Դատական ակտը կհրապարակվի հունիսի 7–ին»,– ասաց Դանիբեկյանը։
Загружается новость ... "Лево"
Ինչպես նիստից հետո լրագրողներին ասաց Քոչարյանի փաստաբան Հովհաննես Խուդոյանը, պաշտպանությունը մտադիր է նոր բողոք ներկայացնել, եթե ընթացիկը մերժվի։
«Տեսնենք, թե ինչ հետևանքների կարող է բերել դատարանի որոշումը, ներառյալ պատճառած վնասի փոխհատուցումը, քանի որ գույքը երկար ժամանակ ձերբակալված էր»,– ասաց նա։ -0-
