ԵՐԵՎԱՆ, 15 փետրվարի. /Նովոստի–Արմենիա/. Հայաստանն ընդգրկված է այն 13 երկրների թվում, որոնք գրավիչ և թեթև են ճանաչվել անգլալեզու զբոսածրջիկների համար։
Ինչպես նշում է
thisisinsider.com կայքը, որոշ գնահատականներով, անգլերեն լեզվով խոսում է 1.5 մլրդ մարդ, որոնցից շատերը բնակվում են անգլալեզու երկրներում` Մեծ Բրիտանիայում, Ավստրալիայում, Կանադայում, Իռլանդիայում, Ջամայկայում, Նոր Զելանդիայում։
Սակայն կան երկրներ, որտեղ այդքան էլ լավ չեն տիրապետում անգլերենին։
Загружается новость ... "Лево"
Պարբերականն առաջարկում է 13 երկրներ, որտեղ լեզվական պատնեշն արգելք չի հանդիսանում անգլալեզու ճանապարհորդների համար։ Դրանց թվում նշվում է նաև Հայաստանը, որի բնակչության 40 տոկոսը, ինչպես գրում է պարբերականը, կարող է բացատրվել անգլերենով։
Հոդվածի համաձայն, երկրում գրագիտության մակարդակն 98 տոկոս է, իսկ 30 տարեկանից ցածր մարդկանց մեծամասնությունն ազատ խոսում է անգլերեն բրիտանական ակցենտով։
Միաժամանակ, եվրոպացիներն ավելի հաճախ են այցելում Հայաստան, քանի ամերիկացիները։
Ի պատասխան այն հարցին, թե ինչ կարող է առաջարկել Հայաստանը, հոդվածի հեղինակներն ասում են. «նկարեք հնագույն Եվրոպան, բայց ավելի զիլ և էժան»։
«Այդ երկրում գտնվում են հազարավոր հիանալի վանքեր և եկեղեցիներ, որոնցից շատերը ՅՈՒՆԵՍԿՕ–ի համաշխարհային ժառանգության անբաժան մասն են»,– նշվում է հոդվածում։
Բացի այդ, հեղինակները նշում են, որ զբոսաշրջիկի համար հարմարավետությունն այդքան էլ թանկ չէ` «կարելի է գնել համաշխարհային կարգի օպերա կինոյի տոմսի արժեքով, մինչդեռ տաքսին, սրճարանը, գինին, գարեջուրը մոտավորապես նույնն են, ինչ 1960–ականների ԱՄՆ–ում»։
Անգլալեզու զբոսաշրջիկների այցելության համար խորհուրդ տրվող այլ երկրների թվում նշվում են Տանզանիան, Գերմանիան, Ֆիլիպինները, Սլովենիան, Նեպալը, Կուբան, Ճապոնիան, Հնդկաստանը, Բելիզը, Պակիստանը, Սինգապուրը և Մալթան։ -0-