ԵՐԵՎԱՆ, 24 մայիսի. /Նովոստի-Արմենիա/. Դիմակայությունը Հայաստանի ԿԳ նախարար Արայիկ Հարությունյանի և «Այբ» դպրոցի միջև նոր թափ է առնում։
Մայիսի 20–ին Հարությունյանը, մասնավորապես, ասել էր, որ «Հայաստանի կրթության և գիտության նախարարությունը չի օժանդակելու էլիտար դպրոցներին, մասնավոր դպրոցները հարյուր միլիոնավոր դրամներ չեն ստանալու»։ Դրանից հետո նախարարը հանձնարարել էր կազմակերպել Արարատյան բակալավրիատի ֆինանսական աուդիտ։ Ավելի ուշ «այբ» դպրոցը պատասխանել էր նախարարի հայտարարությանն էլիտ դպրոցների վերաբերյալ։
Դպրոցի մամուլի ծառայության տարածած հայտարարությունում մտահոգություն է արտահայտվում աուդիտի օբյեկտիվության վերաբերյալ և կոչ է արվում նախարարին զերծ մնալ վիրավորանքներից։
Загружается новость ...
"Право"
«Մասնավորապես մտահոգված ենք այն հանգամանքով, որ, դեռևս չունենալով ուսումնասիրության եզրակացությունը, տրվում Է կանխակալ որակում, որն ամենայն հավանականությամբ կարող է բացասական ազդեցություն ունենալ ստացվելիք եզրակացության անաչառության և օբյեկտիվության վրա։ Առավել ևս, երբ ուսումնասիրությունն իրականացվում է նախարարության կողմից, այլ ոչ` անկախ երրորդ կողմի»,– ասվում է հաղորդման մեջ։
Հայտարարությունում նշվում է, որ առկա են լրջագույն կասկածներ, որ տրվելիք եզրակացությունը բխելու է նախարարի արդեն իսկ արած հայտարարության ենթատեքստից: Նախարարի հայտարարությունները և գնահատականները պետք է հնչեն միայն ուսումնասիրությունից հետո և հնչեն միայն հարցի առարկա Կրթության գերազանցության ազգային ծրագրի վերաբերյալ, այլ ոչ ընդհանրական՝ «Այբ»-ի։
Միաժամանակ նշվում է, որ «Այբ» կրթական հիմնադրամը, օրենքով սահմանված կարգով, յուրաքանչյուր տարի անցնում է անկախ ֆինանսական աուդիտ։
Հաղորդագրությունում նշվում է, որ մտահոգիչ է այն փաստը, որ նախարարն իր ուղերձում առանց հավաստի տեղեկություն բացասական կարծիք է ձևավորել դպրոցի և ամբողջ համայնքի անդամների գործունեության վերաբերյալ։
«Հորդորում ենք ապագայում զերծ մնալ վիրավորանքներից, անձանց պատիվն ու արժանապատվությունն արատավորելուց, ինչպես նաև հանրային այնպիսի հայտարարություններից, որոնք կարող են ստվեր նետել մասնագիտական եզրակացությունների վրա»,– ասվում է հաղորդման մեջ։ -0–
