ԵՐԵՎԱՆ, 4 հուլիսի. /Նովոստի Արմենիա/. ՀՀ կառավարության չորեքշաբթի օրվա նիստում հավանություն է տրվել «Մի շարք վարչական իրավախախտումների համար կիրառված տուգանքների համաներման մասին» ՀՀ օրենքի նախագծի վերաբերյալ ՀՀ կառավարության օրենսդրական նախաձեռնությանը, որը նախատեսվում է երթևեկության կանոնների խախտման համար մի շարք տուգանքների համաներում։
Ինչպես նշեց ՀՀ արդարադատության նախարար Արտակ Զեյնալյանը, օրինագծով առաջարկվում է ազատել քաղաքացիներին պատասխանատվությունից մի շարք վարչական իրավախախտումների համար, որոնք կատարվել են միչև 2017 թ.–ի դեկտեմբերի 31–ը։
«Ընդհանուր առմամբ` համաներման շրջանակում կներվի 13,3 մլրդ դրամի (27,5 մլն դոլարի) տուգանք, ընդ որում` համաներումը չի տարածվի այնպիսի խախտումների վրա, ինչպիսիք են անսթափ վիճակում վարելը, պետհամարանիշներն ուրիշին տրամադրելը և այլն»,– ասաց Զեյնալյանը։
Ինչպես այս առիթով նշեց ՀՀ վարչապետ Նիկոլ Փաշինյանը, նման որոշումը պայմանավորված է նրանով, որ եթե քաղաքացիները չեն վճարել մինչև օրս, ուրեմն չեն ունեցել նման հնարավորություն, ու կառավարությունը աննպատակահարմար է համարում նոր տուգանքներ սահմանել։
«Միաժամանակ դա չի նշանակում, որ բոլորը կազատվեն տուգանքներից ու կվարեն ինչպես ցանկանում են։ Սակայն մինչ օրս անցկացվող քաղաքականությունը միտված է ոչ թե իրավակարգի պահպանմանը, այլ ուներ բացառապես ֆիսկալ բնույթ։ Մեր հիմնական նպատակն է ապահովել ճանապարհային անվտանգության բարելավումը, ինչի համար մենք հիմա քննարկում ենք նոր սկզբունքներ», – ասաց Փաշինյանը։
Загружается новость ... "Лево"
Մասնավորապես, վարչապետը նշեց, որ կառավարությունը, արդարադատության նախարարությունն ու ոստիկանությունը մշակում են «Վարչական իրավախախտումների վերաբերյալ» օրինագիծը` տուգանքներն ինչ–որ կերպ թեթևացնելու, իսկ մյուս կողմից` կարգապահությունը զգալիորեն մեծացնելու համար։
«Քաղաքացիները պետք է ավելի օրինապահ դառնան։ Մենք արդեն աշխատում ենք այդ ուղղությամբ, ու ոստիկանության առաջարկները բավականին հետաքրքիր են ու արդյունավետ», – ասաց Փաշինյանը։
ՀՀ գլխավոր դատախազ Արթուր Դավթյանը առաջարկեց բացառություններ սահմանել օրենսդրությունում, քանի որ արդեն տարվում է որոշակի քննություն` կապված կանխամտածված խախտումների հետ, ու համաներման մասին որոշումը կարող է խանգարել քննչական գործողություններին։ -0-