Հակաուռուցքային որոշ դեղերի դեղատնային վաճառքի գները նվազեցվել են. ԱՆ

ԵՐԵՎԱՆ, 12 մարտի./Նովոստի–Արմենիա/. Առողջապահության նախարարության և Շվեյցարական «ՀոֆՖման Լյա Ռոշե»  դեղագործական ընկերության երկարատև բանակցությունների արդյունքում որոշում է կայացվել ընկերության արտադրած և դեղագործական կազմակերպությունների կողմից Հայաստան ներմուծված հակաուռուցքային որոշ դեղերի դեղատնային վաճառքի գները նվազեցնել, հաղորդում է ՀՀ ԱՆ մամուլի ծառայությունը։

Ստորև ներկայացվում է նշված դեղերի շուկայական գները (ՀՀ դրամով)` 

- Հերսեպտին 440մգ. նախկին գին`  590 000, նոր գին`  530 000

- Ավաստին 100մգ.  նախկին գին` 152 000,  նոր գին` 105 000 

- Ավաստին 400մգ.  նախկին գին` 598 500,  նոր  գին` 410 000: 

«Նշենք, որ «ՀոֆՖման Լյա Ռոշե»  դեղագործական ընկերության հետ բանակցությունները շարունակվում են դեղերի դեղատնային վաճառքի գները նվազեցնելու համար», – նշվում է գերատեսչության հաղորդագրության մեջ։–0–