Բողոքի ակցիա ՍԴ–ի առջև. «Վետո»–ի ակտիվիստները «փորձել են կանխել» սահմանադրական կարգի տապալումը» (ՎԻԴԵՈ)
21:15
24 Հունիսի 2019
ԵՐԵՎԱՆ, 24 հունիսի./Նովոստի–Արմենիա/. «Վետո» քաղաքացիական նախաձեռնության մասնակիցները երկուշաբթի բողոքի ակցիա են անցկացրել Հայաստանի Սահմանադրական դատարանի շենքի առջև դրա բնականոն աշխատանքին խոչընդոտելու փորձը կանխելու նպատակով։
Ինչպես լրագրողներին հայտնեց նախաձեռնության կազմակերպիչ, բլոգեր, Հայաստանի նախկին ոստիկանապետի նախկին խորհրդական Նարեկ Մալյանը, ակցիան անցկացվում է սահմանադրական կարգը դատական համակարգի աշխատանքը կաթվածահար անելու միջոցով տապալելու կանխման նպատակով։
Նա միաժամանակ հայտնեց, որ հայ հասարակությունում ձևավորված ատելության մթնոլորտի բոլոր հետևանքների համար ամբողջ պատասխանատվությունը կրում է Հայաստանի վարչապետ Նիկոլ Փաշինյանը։
Սահմանադրական դատարանի շենքից ակցիայի մասնակիցներն ուղղվել են դեպի Ազգային ժողովի շենք, որտեղ Մալյանը հորդորել է պատգամավորներին միանալ ՍԴ–ի իրավիճակի շուրջ ստեղծված դիսկուրսին։ Նա նաև հայտնել է, որ կշարունակի ակցիան այնքան ժամանակ, մինչև Սահմանդրական դատարանի շուրջ ստեղծված իրավիճակը կարգավորվի։
Այնուհետև ակցիայի մասնակիցները վերադարձել են ՍԴ և ցրվել։ -0-