ԱՆ-ը հայտնում է 9 տուժածների մասին «Մալաթիա մոլ»-ի խոշոր հրդեհի հետևանքով (ՄԱՆՐԱՄԱՍՆԵՐ)

ԵՐԵՎԱՆ, 24 օգոստոսի. /Նովոստի-Արմենիա/. Առողջապահության նախարարության մամուլի խոսնակ Ալինա Նիկողոսյանը նոր տվյալներ է հայտնել «Մալաթիա մոլ» առևտրի կենտրոնում բռնկված խոշոր հրդեհի հետևանքով:

Նրա խոսքով, ևս մեկ տուժած տեղափոխվել է «Աստղիկ» ԲԿ:

««Աստղիկ» բժշկական կենտրոնում հրդեհի հետևանքով մինչ այս պահը տեղափոխվել է 7 տուժած, որոնցից 6-ը ստացել են առաջին բուժօգնություն և դուրս են գրվել։ Բժշկական կենտրոնում գտնվող 1 քաղաքացին նոր է տեղափոխվել հիվանդանոց»,- ասաց նա։

Մամուլի խոսնակը հայտնեց նաև, որ 2 տուժած դեռևս գտնվում են Հանրապետական հիվանդանոցի թունաբանական բաժանմունքում։ Նրանց առողջական վիճակի մասին կհաղորդվի լրացուցիչ։

Հրդեհի մասին ահազանգը ստացվել է շաբաթ ժամը 15:47-ին: Այս պահին տեղում աշխատում է ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից 18 մարտական հաշվարկ:

«Մալաթիա մոլ» առևտրի կենտրոնը, որը գտնվում է Մալաթիա-Սեբաստիա վարչական շրջանում, սկսել է գործել 2016 թվականին: Կենտրոնը պատկանում է նախկին պատգամավոր, գործարար Սամվել Ալեքսանյանին, ում պատկանում է նաև Yerevan City սուպերմարկետների ցանցը: -0-