ԵՐԵՎԱՆ, 24 դեկտեմբերի./Նովոստի-Արմենիա/. ՀՀ վարչապետ Նիկոլ Փաշինյանն առցանց ասուլիսի ժամանակ մեկնաբանել է Երևանի քաղաքապետի փոփոխությունը:
Դեկտեմբերի 22-ին Հայկ Մարությանը հեռացվեց Երևանի քաղաքապետի պաշտոնից Ավագանու գաղտն քվեարկության արդյունքում: Նույն քվեարկությամբ նրա փոխարեն նշանակվեց առաջին փոխքաղաքապետ, Ավագանու անդամ Հրաչյա Սարգսյանը:
«Երևանի քաղաքապետի փոփոխության հետ կապված պետք է ասեմ, որ սա ինստիտուցիոնալ խնդիր է: Այսօրվա մեր բոլոր խնդիրներն ու ձախողումներն այն մասին են, որ մեր երկրում պետական ինստիտուտները չեն կայացել, և մենք թույլ չենք տվել, որ դրանք կայանան: Այս առումով ուզում եմ ուշադրություն հրավիրել մի կարևոր փաստի վրա. մենք շատ երկար միջազգային կազմակերպությունների հետ բանակցությունների արդյունքում Երևանում ունեցանք քաղաքապետի անուղղակի ընտրություններ, որի իմաստն այն է, որ կա ավագանի և քաղաքապետ: Հիմա 2020-ին ընդունեցինք, որ 4 հազարից ավել բնակչություն ունեցող բոլոր համայնքների ընտրությունները դարձրել ենք համամասնական ցուցակով, որտեղ ընտրվում է կուսակցությունը, ոչ թե անձը: Այստեղ շատ պարզ հարց կա. ո՞վ է կառավարում քաղաքը, ո՞րն է գերագույն մարմինը: Այդ մարմինը ավագանին է: Քաղաքապետն էլ ընտրվել է կուսակցական ցուցակով», - ասաց Փաշինյանը:
Загружается новость ... "Лево"
Նա ասաց, որ Երևանում իրականացվում է «Իմ քայլը» դաշինքի նախընտրական ծրագիրը, որի մեջ առանցքային տեղ է զբաղեցնում «Ելք» դաշինքի 2017-ի Երևանի քաղաքապետի ընտրությունները, որտեղ նա քաղաքապետի թեկնածու է եղել:
«Մենք նշել ենք, որ մեր առաջնային նպատակը պետք է լինի վերելակների փոփոխությունը, տրանսպորտի ինստիտուցիոնալ փոփոխությունը և աղբահանության խնդրի լուծումը: Դրանք եղել են «Ելք» նախընտրական ծրագրի դրույթները: Այն մարդուն, ում այսօր ընտրել ենք քաղաքապետ, ինքը եղել է քաղաքապետի առաջին տեղակալ: Որևէ մեկն իմացե՞լ է, որ կա քաղաքապետի առաջին տեղակալ, որը տրանսպորտի ոլորտի համակարգի ներդրումը իրականացրել է, որ աղբահանության համակարգի ներդրումն իրականացրել է և այլն: Ավագանին է կայացրել այդ բոլոր որոշումները», - ասաց վարչապետը:
«Շատ կարևոր եմ համարում, որ «Իմ քայլը» սկզբունքայինություն դրսևւորեց և կայացրեց քաղաքականապես ճշգրիտ ու գրագետ որոշում: Մենք կտեսնենք՝ առաջիկայում Երևան համայնքը ավելի լավ կկառավարվի, թե՞ ավելի վատ: Ես կասկած չունեմ, որ ավելի լավ կկառավարվի»,-ասաց նա:
Մարությանի մասին
Մարությանն առաջիններից մեկն էր, ով 2018թ.-ին աջակցում էր հեղափոխությանը: Նա հեղափոխությունից հետո առաջինն էր, ով շրջանառության մեջ դրեց հասարակությանը «սպիտակների» և «սևերի» բաժանելու երևույթը: Մասնավորապես, «Իմ քայլը» դաշինքի բարեգործական միջոցառման ժամանակ, որի ընթացքում 2018թ.-ի սեպտեմբերի 2-ին միջոցներ էին հավաքվում նախընտրական արշավի համար Երևանի Ավագանու խորհրդի ընտրությունների շրջանակում Մարությանը հայտարարեց, որ նրանք լուսավոր ուժ են, իսկ ովքեր չեն ցանկանում իրենց հաղթանակը, սևեր են:
Փաշինյանի և Մարությանի հարաբերությունները փչացան Արցախյան պատերազմից հետո, երբ քաղաքապետը սկսեց հեռու պահել իրեն աջակցող քաղաքական ուժից: Բազմիցս խոսակցություններ էին շրջանառվում Մարությանի հրաժարականի մասին, ինչպես նաև նշվում էր, որ իշխանություններն այդ պաշտոնին կառաջադրեն իրենց թեկնածուին:-0-
