«Նորք» ինֆեկցիոն կլինիկական հիվանդանոցի 2 մանկական բաժանմունքները վերակահավորվել են (ՖՈՏՈ)

ԵՐԵՎԱՆ 10 սեպտեմբերի./Նովոստի–Արմենիա/. Օգոստոսի 9-ին «Focus on Children Now» բարեգործական կազմակերպության շնորհիվ «Նորք» ինֆեկցիոն կլինիկական հիվանդանոցի թվով 2 մանկական բաժանմունքների հիվանդասենյակները և բուժքույրական սենյակները վերահակավորվել են, հաղորդում է ՀՀ առողջապահության նախարարության մամուլի ծառայությունը: 

Սենյակներն ամբողջությամբ կահավորվել են ժամանակակից գույքով, իսկ միջանցքների պատերը զարդարվել են սահմանամերձ գյուղերում ապրող երեխաների ձեռքի աշխատանքներով: 

Միջոցառմանը ներկա է գտնվել առողջապահության նախարարի տեղակալ Լևոն Հակոբյանը և ողջունել նախաձեռնությունը: Հակոբյանը շնորհակալություն է հայտնել բոլոր այն մարդկանց, ովքեր ջանք ու եռանդ չեն խնայել ծրագրի իրականացման հարցում։–0–