ԵՐԵՎԱՆ, 16 նոյեմբերի./Նովոստի–Արմենիա/. ՀՀ ԱԺ պատգամավոր Գայանե Աբրահամյանը հայտարարել է, որ հրաժարվում է մանդատից։ Այս մասին նա գրել է Facebook–յան իր էջում։
«Այս օրերին փորձել եմ հնարավոր բոլոր ջանքերը ներդնել իրավիճակը փոքր-ինչ մեղմելու եւ վատթարագույնը կանխելու համար, սակայն այս պահից ՀՀ Ազգային Ժողովի պատգամավորի կարգավիճակում անելիքս համարում եմ սպառված: Ներողություն եմ խնդրում բազմաթիվ սխալների համար», – գրել է Աբրահամյանը Facebook–յան իր էջում։
Աբրահամյանը սեպտեմբերի 25–ին արդեն
հայտարարել էր պատգամավորական մանդատը վայր դնելու մասին, սակայն հետո հետ էր վերցրել դիմումը։
Ավելի վաղ ՀՀ վարչապետ Նիկոլ Փաշինյանը
հայտարարել է. «Առաջնագծի զինվորների տասնյակ տեսանյութեր դիտեցի այսօր։ Ապշած եմ տղաների խորագիտությունից։ Տղերք՝ դուք ճիշտ եք։ Սպասում եմ ձեզ Երեւանում։ Վերջնականորեն լուծելու պատերի տակ վնգստացողների հարցերը։ Հպարտ եմ ձեզանով»։
Հայաստանի ընդդիմադիր կուսակցությունները վերջին օրերին հանրահավաքներ են կազմակերպում` պահանջելով Փաշինյանի հրաժարականը։ Նրանք մեղադրում են նրան Հայաստանի համար վիրավորական համաձայնագիր ստորագրելու մեջ։–0–