Կիրանցիները դժգոհ են Փաշինյանի հետ հանդիպումից

ԵՐԵՎԱՆ, 30 ապրիլի․/Նովոստի–Արմենիա/․ Տավուշի մարզի Կիրանց գյուղի բնակիչների առաջարկը մերժվել է կառավարության կողմից, երկուշաբթի ասաց ընդդիմադիր «Հայաստան» խմբակցության պատգամավոր Գեղամ Նազարյանը՝ հղում անելով գյուղացիներին։

Ապրիլի 29-ին Կիրանցի մի խումբ բնակիչներ ժամանել են Երևան՝ հանդիպելու վարչապետ Նիկոլ Փաշինյանին։ Հանդիպումից հետո մասնակիցները չափազանց ընկճված տեսք ունեին։ Նրանք հայտնեցին, որ իրենց սպասելիքները չարդարացան, և որ դժգոհ են հանդիպման արդյունքից։

«Այն առաջարկները, որ արվել է կիրանցիների կողմից ոչ մեկը ընդունելի չի եղել, որ գոնե սահմանը անցնի խորհրդային տարիների եղած սահմանով: Հնարավոր է՝ սահմանն անցնի հենց գյուղի տարածքով», – ասել է Նազարյանը լրագրողներին։

Պատգամավորի խոսքով, գյուղացիներին ասել են, որ խորհրդային շրջանում ոչ մի սահման պարզապես չի եղել։

«Ստացվում է, որ դրանք ստեղծվում են զրոյից», – ասել է պատգամավորը՝ նշելով, որ այս դիրքորոշումը չի համապատասխանում ավելի վաղ հնչեցված հայտարարություններին։