Էրեբունի վարչական շրջանի ղեկավարն ազատման դիմում է ներկայացրել

ԵՐԵՎԱՆ, 1 սեպտեմբերի./Նովոստի–Արմենիա/. Երևանի Էրեբունի վարչական շրջանի ղեկավար Արման Աբրահամյանը լիազորությունների դադարեցման դիմում է ներկայացրել։ 

Այս մասին Աբրահամյանը հայտնել է Facebook–յան իր էջում։ 

«Սիրելի՛ էրեբունցիներ, մոտ երեք տարի առաջ մենք միասին սկսեցինք աշխատել, պլաններ կազմել ու կյանքի կոչել տարբեր ծրագրեր ու վստահ եմ ՝ այսուհետ նույնպես այդ բարի ավանդույթներն ու լավ նախաձեռնությունները շարունակական են լինելու՝ ի նպաստ Էրեբունու բարօրության», – նշել է Աբրահամյանը։ 

Նա հավելել է, որ փորձել է բոլոր նախաձեռնությունների հիմքում դնել օրենքը և գործել բացառապես այդ տիրույթում, ստեղծելով նորը՝ զարգացնելով հինը։

«Ինձ մնում է միայն շնորհակալություն հայտնել իմ բնակիչներին, աշխատակազմին, մեր հավատարիմ գործընկերներին։ Սիրելի՛ էրեբունցիներ, դիմում եմ ներկայացրել դադարեցնելու իմ լիազորությունները՝ որպես վարչական շրջանի ղեկավար։ Ցանկությունս մեկն է՝ խաղաղություն մեր երկրին», – նշել է Աբրահամյանը:–0–