Փաշինյանը խոստացել է արմատախիլ անել իշխանության մեջ պառակտման յուրաքանչուր փորձը (ՎԻԴԵՈ)
13:07
08 Մայիսի 2019
ԵՐԵՎԱՆ, 8 մայիսի. /Նովոստի-Արմենիա/. ՀՀ վարչապետ Նիկոլ Փաշինյանը խոստացել է արմատախիլ անել կառավարությունում պառակտման յուրաքանչուր փորձը: «Իշխանության ներսում տարբեր թևեր չեն կարող լինել», - հայտարարեց նա այսօրվա ասուլիսի ընթացքում:
«Ես նմա՞ն եմ մի մարդու, որ կարող է լինել ՀՀ վարչապետ և այդ իշխանության ներսում հնարավոր լինեն տարբեր թևեր … ՀՀ գործադիր իշխանության մեջ չեն կարող լինել թևեր, որովհետև ՀՀ կառավարությունը և գործադիր իշխանությունը միասնական մարմին են, և այդ մարմինը ղեկավարվում է վարչապետի կողմից։ Եթե թևեր ի հայտ գան, ես այդ թևերը կկտրեմ»,- հայտարարեց վարչապետը։
Վարչապետը բացառեց, որ որևէ պայմաններում թույլ կտա երկրում անկառավարելիություններ, քաոսներ, «վակխանալիաներ», պալատական ինտրիգներ: «Եվ կտրելուն չի հասնի, որովհետև չեն էլ աճի, սաղմնային մակարդակում կչորանան: Ով այդպիսի գայթակղություն ունի, թող փորձի բախտը»,- եզրափակեց նա:-0-