ԵՐԵՎԱՆ, 29 մայիսի./Նովոստի–Արմենիա/. Կուտակային կենսաթոշակի մասին» օրենքը լրամշակման կարիք ունի, սակայն բոլոր խնդիրները լուծելի են։ Այս մասին երեքշաբթի հայտարարեց ՀՀ աշխատանքի և սոցիալական հարցերի նախարար Մանե Թանդիլյանը, հաղորդում է «ԱՌԿԱ» գործակալությունը։
Загружается новость ... "Лево"
Ավելի վաղ նա նախագիծ էներկայացրել կառավարության քննարկմանը կուտակային կենսաթոշակների պարտադիր բաղադրիչի առաջիկա գործարկումը մեկ տարով հետաձգելու համար։
«Իմ նախաձեռնությամբ ես առաջարկում եմ հետաձգել օրենքի կիրառումը, որը լրամշակման կարիք ունի, ինչպես նաև առաջարկում եմ վերանայել այն դրույթները, որոնք անընդունելի են քաղաքացիների համար։ Ես լավ ծանոթ եմ հասարակական կարծիքի հետ։ Պահանջվում է ժամանակ, որպեսզի հասկանանք, թե ինչ քայլեր է անհրաժեշտ ձեռնարկել, որպեսզի համակարգը դառնա ավելի ընդունելի։ Ստացված առաջարկներն իսկապես արժանի են քննարկման», – ասաց Թանդիլյանը։
Կենսաթոշակային պարտադիր կուտակային համակարգը ներդրվել է Հայաստանում 2014 թ.–ի հունվարի 1–ից և գործում է 1974 թ.–ի հունվարի 1–ից հետո ծնված բոլոր քաղաքացիների համար։
«Կուտակային կենսաթոշակների մասին» օրենքի մի շարք դրույթները ՀՀ սահմանադրությանն անհամապատասխան ճանաչելուց հետո պարտադիր բաղադրիչը գործում է միայն բյուջետային աշխատողների համար։ Մնացած քաղաքացիների համար օրենսդրական կարգով նախատեսվում էր ավելի վաղ կատարված կենսաթոշակային վճարների վերադարձ։
ՀՀ ԱԺ–ն այս տարվա մայիսի 12–ին երկրորդ և վերջնական ընթերցմամբ ընդունեց փոփոխություններ «Կուտակային կենսաթոշակների մասին» օրենքում, որոնք նախատեսում են պարտադիր բաղադրիչի ներդրման ժամկետի երկարաձգում մինչև 2018 թ.–ի հուլիսի 1–ը։–0–