ԵՐԵՎԱՆ, 16 օգոստոսի. /Նովոստի-Արմենիա/. Ծնելիության ցուցանիշի նվազման տեմպը դանդաղում է։ Այդ մասին Facebook-ի իր էջում գրել է ՀՀ առողջապահության նախարար Արսեն Թորոսյանը:
«Լավ լուրերի շարքից. ամփոփելով ծնելիության ցուցանիշները 2019 թվականի առաջին կիսամյակի համար և համեմատելով դրանք 2018-ի հետ, կարող ենք արձանագրել, որ նվազման միտումը դանդաղում է և եթե այսպես շարունակվի, ապա տարվա վերջ կամ մյուս տարվա սկիզբ կարելի է կանխատեսել ծնելիության ցուցանիշի նվազման դադարեցում և հետագա աճ», - գրել է նա։
Ըստ նրա, 2018-ի առաջին կիսամյակի նվազումը 2017-ի համեմատ եղել է 4.9%, իսկ 2019-ի նվազումը 2018-ի համեմատ՝ 0.9%։
«Այս ցուցանիշները իրական արձագանքն են այն սոցիալ-տնտեսական քաղաքականության, որ վարում է մեր կառավարությունը հեղափոխությունից հետո», - գրել է նախարարը։
Հրապարակած նկարի տակ նախարարը գրել է նա, որ նկարում պատկերված է իր տղան՝ «Գևորգը, վեց տարի առաջ, ծնվելուց մոտ մեկ ժամ հետո, երբ ես առաջին անգամ տեսա նրան»:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում
