ԵՐԵՎԱՆ, 4 դեկտեմբերի. /Նովոստի–Արմենիա/.Ազգային փրկության «Նոր Հայաստան» շարժման միացյալ հանրահավաքը, որին մասնակցեցին նաև «Ոչ, սահմանադրական բարեփոխումներին» շարժման կողմնակիցները և այլ ընդդիմադիր կուսակցություններ, անցավ առանց շիկացումների: Արժե արդյոք այն վերագրել Երևանում տեղացած առաջին ձյանը, թե պարզապես քաղաքական պայքարի նկատմամբ ժողովրդի հետաքրքրության բացակայությանը` յուրաքանչյուրի ընտրությունն է:
Հիշեցնենք, որ ձմռան առաջին օրը Երևանում բավականին թեժ էր: «Նոր Հայաստան» ճակատը, որը միավորում է մի շարք ընդդիմադիր գործիչների, ցանկանում է խափանել դեկտեմբերի 6–ին նախատեսած սահմանադրական բարեփոխումների հանրաքվեն, սկսել է հանրահավաքների շարք: Այդ գիշեր Ազատության հրապարակում անցկացվող նստացույցի մասնակիցները պաստառներից ինքնաշեն վրաններ կառուցեցին, մինչ օրս մինտինգավորներն Ազատության հրապարակում են:
Ուրբաթ, առավոտյան «Նովոստի-Արմենիա» գործակալության թղթակիցը եղավ Ազատության հրապարկում: Այդ պահին հրապարակում բողոքի ակցիայի ընդամենը մի քանի մասնակից կար, ընդ որում շարժման առաջնորդներն այնտեղ չէին:
Շարժման մասնակիցների գնահատական
Ինչպես կարծում են «Ոչ, սահմանադրական բարեփոխումներին» շարժման առաջնորդները` իրենց հաջողվել է հասնել առաջադրված խնդիրների լուծմանը:
Այսպես, Հայ ազգային կոնգրես խորհրդարանական խմբակցության ղեկավար Լևոն Զուրաբյանը հայտարարել էր, որ իրենց գլխավոր նպատակը` Սահմանադրական բարեփոխումների հանրաքվեն վերածել նախագահ Սերժ Սարգսյանին անվստահություն հայտնելու հանրաքվեի, արդեն նվաճված է:
Ժիրայր Սեֆիլյանը նախօրեին հայտարարել է, որ արդեն որոշակի հաղթանակի հասել են. «մենք շատ ենք խոսել ռեժիմի փոփոխության մասին, և այն, որ այժմ հավաքվում ենք, ոչ մեծ, բայց հաղթանակ է։ Ամեն ինչ գնում է դեպի հեղափոխություն...»,– ասել է նա։
Ընդդիմադիր Հայ ազգային կոնգրեսի պատգամավոր Արամ Մանուկյանն իր հերթին իշխանություններին մեղադրել է քաղաքացիների արտագաղթի և աղքատության մեջ։ «Մեր հավաքների նպատակը ռեժիմի հերթական արկածախնդրություն թույլ չտալն է»,– ասել է Մանուկյանը։
«Ժառանգություն» կուսակցության առաջնորդ Րաֆֆի Հովհաննիսյանը վստահ է, որ ընդդիմադիր շարժումը հաղթանակի ճանապարհին է։ «Մենք հաղթում ենք, և առաջին անգամ 20 տարիների ընթացքում կունենանք ժողովրդին հաշվետու իշխանություն»,– կարծում է նա։
Show must go on
«Նոր Հայաստան» ժողովրդական փրկության ճակատը մտադիր է ցույց անցկացնել նաև Սահմանադրական բարեփոխումների օրը` դեկտեմբերի 6–ին, և նաև կոչ արեցին Հայաստանի մարզերի բնակիչներին միանալ բողոքին:
Այս հայտարարությունը նշանակում է արդյոք վատ խաղում լավ ականի պահպանում, թե պարզապես վերջին խոսքի իրավունքի պահպանման ձգտում` դժվար է ասել:
Իշխող կուցակցության գնահատական
Հայաստանի հանրապետական կուսակցության դիրքորոշումը նախօրեին ներկայացրեց խորհրդարանի փոխխոսնակ Էդվարդ Շարմազանովը: «Բոլոր այն ուժերը, որոնք խոսում են իշխանության փոփոխության մասին, սխալ են գործում և ֆալստարտ են վերցրել: Ժողովուրդն իմաստուն է, և ինչպես նա որոշի, այնպես էլ կլինի: Սահմանադրության փոփոխությունների տարբերակն ավելի մեծ հնարավորություններ է տալիս և զարգացում ապահովում»,-ասել է նա:
Երկրի ղեկավարը սահմանադրական փոփոխությունների մասին
Անշուշտ, կարևոր ազդակ էր նախագահ
Սերժ Սարգսյանի լայնածավալ հարցազրույցը, որում նա հիմնավորեց բարեփոխումների անհրաժեշտությունն ու արդիականությունը: Նրա խոսքով, ներկա աշխարհաքաղաքական իրավիճակը, Հայաստանի ներքաղաքական տրամադրվածությունները և այլ գործոններ վտանգ են ներկայացնում գործող Սահմանադրության որոշակի կարգավորումներում:
Հետո նա մեջբերել է այն հոդվածը, որտեղ ամրագրված են Հանրապետության նախագահի լիազորությունները: Դա 55-րդ հոդվածն է, և 55-րդ հոդվածի 12-րդ կետում գրված է. «Հանրապետության նախագահը զինված ուժերի Գերագույն գլխավոր հրամանատարն է, համակարգում է պետական մարմինների գործունեությունը պաշտպանության բնագավառում:
«Ուշադրություն դարձրեք բառին՝ համակարգում է, ոչ թե ղեկավարում: Ասացեք խնդրեմ, համակարգելով Հանրապետության նախագահը ինչպե՞ս կարող է անվտանգություն ապահովել»,-ասել է Սարգսյանը:
P.S. Նախօրեին պարզ դարձավ, որ Հայաստանի երկրորդ նախագահ Ռոբերտ Քոչարյանը, քննադատելով առաջարկվող բարեփոխումները, հայտարարել է, որ հանաքվեին չի մասնակցելու:-0-
