Հայ ըմբիշ Ռոման Ամոյանը Եվրոպական խաղերի բրոնզի համար կմրցի ադրբեջանցի Մուխտարովի հետ
![Հայ ըմբիշ Ռոման Ամոյանը Եվրոպական խաղերի բրոնզի համար կմրցի ադրբեջանցի Մուխտարովի հետ Հայ ըմբիշ Ռոման Ամոյանը Եվրոպական խաղերի բրոնզի համար կմրցի ադրբեջանցի Մուխտարովի հետ](/upload/iblock/43f/2p87lgytu7d6ftzby0id9rl153e5tgqg.jpg)
ԵՐԵՎԱՆ, 13 հունիսի, /Նովոստի-Արմենիա/. Հայ ըմբիշ Ռոման Ամոյանը Բաքվում ընթացող Եվրոպական խաղերում բրոնզե մեդալի համար կմրցի ադրբեջանցի Էլման Մուխտարովի հետ:
Ամոյանը 1/8 եզրափակչումհաղթել է պորտուգալացի Ժոաո Կարվալյոյին, սակայն քառորդ եզրափակչում պարտվել է Ստեփան Մարյանյանին:
Ամոյանը բրոնզե մեդալի համար պայքարելու իրավունք ստացել է Մարյանյանի՝ եզրափակիչ դուրս գալու շնորհիվ, երբ վերջինը հաղթանակ է տարել Մուխտարովի նկատմամբ:
«Սփոփիչ» մենամարտում Ամոյանը հաղթել է դանիացի Թոբիաս Ֆոննեսբեկին:
Ռոման Ամոյանը 2008թ.-ի Օլիմպիական խաղերի բրոնզե մեդալակիր է, Եվրոպայի կրկնակի չեմպիոն:
Եվրոպական առաջին օլիմպիական խաղերը, որոնք հետագայում պետք է անցկացվեն չորս տարին մեկ անգամ, անցկացվելու են Բաքվում հունիսի 12–28–ը։ Մրցումների ընթացքում կխաղարկվի 253 փաթեթ մեդալ` 20 մարզաձևում, որից 11–ով կխաղարկվեն Օլիմպիական ուղեգրեր, որը տեղի կունենա 2016 թ.–ին Ռիոդե Ժանեյրոյում։
Սպասվում է, որ մրցումներին կմասնակցեն ավելի քան 6 հազար մարզիկներ աշխարհամասի բոլոր երկրներից:-0-