Հայաստանի հավաքականի գլխավոր մարզիչ կարող է նշանակվել Կարպինը
![Հայաստանի հավաքականի գլխավոր մարզիչ կարող է նշանակվել Կարպինը Հայաստանի հավաքականի գլխավոր մարզիչ կարող է նշանակվել Կարպինը](/upload/iblock/59b/mkvrnylg465ntwjgpr7c3eg4ocvl73l9.jpg)
ԵՐԵՎԱՆ, 1 ապրիլի. /Նովոստի–Արմենիա/. Հայաստանի հավաքականի գլխավոր մարզչի պաշտոնի թիվ մեկ թեկնածուն Մոսկվայի «Սպարտակի» նախկին գլխավոր մարզիչ Վալերի Կարպինն է, գրում է sports.ru-ն։
Բեռնար Շալանդը հեռացել է գլխավոր մարզչի պաշտոնից Եվրոպայի առաջնության ընտրական մրցաշարի շրջանակում Ալբանիայի հետ ունեցած խաղում 1։2 հաշվով պարտությունից հետո։ Հայաստանի թիմը չորս խաղում վաստակել է մեկ միավոր և եզրափակել I խմբի աղյուսակը։
46-ամյա Կարպինը փետրվարին հեռացել է իսպանական «Մալյորկայի» գլխավոր մարզիչի պաշտոնից։ Նա մի քանի օր առաջ Երևան էր ժամանել և հանդիպում ունեցել Հայաստանի ֆուտբոլի ֆեդերացիայի ղեկավարի հետ։ Ռուս մասնագետի թեկնածությունը հայկական կողմին գրավել է նրանով, որ Կարպինը հաջող աշխատանքային փորձ է ունեցել երկու հայ ֆուտբոլիստների` յուրի մովսիսյանի և Արազ Օզբիլիսի հետ։
Ոչինչ չի նշվում այն մասին, թե ինչ խնդիր է դրվելու Կարպինի առաջ` արդյո՞ք նա պետք է հայկական թիմի համար Եվրո-2016–ի ուղեգիր ապահովի կամ արդյո՞ք նրա հետ պայմանագիր կնքելու թիրախ պիտի դառնա 2018 թվականին Ռուսաստանում նախատեսված Աշխարհի առաջնությունը։-0-