Հայաստանի հավաքականը 79-րդն է ՖԻՖԱ դասակարգման աղյուսակում

ԵՐԵՎԱՆ, 18 փետրվարի. /Նովոստի–Արմենիա/. Դեկտեմբերի 18-ին հրապարակվել է ՖԻՖԱ-ի դասակարգման նոր աղյուսակը: Հայաստանի հավաքականը նահանջել է 2 կետով և զբաղեցնում է 79-րդ հորիզոնականը: Աղյուսակը գլխավորում է աշխարհի չեմպիոն Գերմանիայի հավաքականը, երկրորդ տեղում է Արգենտինան, երրորդը Կոլումբիան է:

Դասակարգման աղյուսակի առաջին տասնյակը`

1. Գերմանիա - 1725 միավոր,
2. Արգենտինա – 1538,
3. Կոլումբիա – 1450,
4. Բելգիա – 1417,
5. Հոլանդիա – 1374,
6. Բրազիլիա – 1316,
7. Պորտուգալիա – 1160,
7. Ֆրանսիա – 1160,
9. Իսպանիա - 1142
10. Ուրուգվայ – 1135։

Դասակարգման աղյուսակն առաջին անգամ կազմվել է 1993թ.-ին, միավորները հաշվարկվում են՝ ելնելով չորս տարվա ընթացքում ազգային թիմերի գրանցած արդյունքներից: Հայաստանը հայտնվել է առաջին ընտրական խմբում, որտեղ ուժերը կչափի Պորտուգալիայի, Դանիայի, Սերբիայի և Ալբանիայի հավաքականների հետ: -0-