Իջևանում բռնցքամարտի նոր մարզասրահ է բացվել
![Իջևանում բռնցքամարտի նոր մարզասրահ է բացվել Իջևանում բռնցքամարտի նոր մարզասրահ է բացվել](/upload/iblock/da4/t7lirbfr1csv5vi02seon8zaf4m8i53t.jpg)
ԵՐԵՎԱՆ, 4 դեկտեմբերի. /Նովոստի–Արմենիա/. ՀՀ Տավուշի մարզի Իջևան քաղաքում բռնցքամարտի նոր մարզասրահ է բացվել, հաղորդում է ՀՀ սպորտի և երիտասարդության հարցերի մամուլի ծառայությունը։
Oլիմպիական խաղերի չեմպիոն Վլադիմիր Ենգիբարյանի անվան բռնցքամարտի մարզասրահի բացման արարողությանը ներկա էին ՀՀ սպորտի և երիտասարդության հարցերի նախարար Գաբրիել Ղազարյանը, Բռնցքամարտի ֆեդերացիայի նախագահ Արթուր Գևորգյանը, ՀԱՕԿ փոխնախագահ Դերենիկ Գաբրիելյանը, Տավուշի մարզպետ Հովիկ Աբովյանը, Իջևանի քաղաքապետ Վարդան Ղալումյանը։
Իջևանի թիվ 1 հանրակրթական դպրոցի վերանորոգված մարզասրահում տեղադրվել է բռնցքամարտի պրոֆեսիոնալ ռինգ, տանձիկներ:
Մարզասրահի բացման արարողության ընթացքում նախարարը նշել է, որ համագործակցությունը նախարարության և բռնցքամարտի ֆեդերացիայի միջև մոտ ապագայում տալու է իր դրական արդյունքները։–0–