Հայ շախմատիստները և շախմատիստուհիները հաղթել են Տրոմսյոյի օլիմպիադայի երկրորդ տուրում
![Հայ շախմատիստները և շախմատիստուհիները հաղթել են Տրոմսյոյի օլիմպիադայի երկրորդ տուրում Հայ շախմատիստները և շախմատիստուհիները հաղթել են Տրոմսյոյի օլիմպիադայի երկրորդ տուրում](/upload/iblock/1e3/qp2tm23vh3lznkl8h3vl8nka1fmucf7k.jpg)
ԵՐԵՎԱՆ, 4 օգոստոսի. /Նովոստի–Արմենիա/. Շախմատի Հայաստանի տղամարդկանց հավաքականը նախօրեին երկրորդ հաղթանակն է տարել Նորվեգիայի Տրոմսյո քաղաքում անցկացվող օլիմպիադայում։ Հայ շախմատիստները վստահորեն հաղթանակ տարան ավստրալացիներին` 3:1 հաշվով։ Գաբրիել Սարգսյանը հաղթեց Մուլտուն Լիին, իսկ Վլադիմիր Հակոբյանը` Յունտա Իկեդային։ Լևոն Արոնյան – Դևիդ Սմերդոն և Սերգեյ Մովսիսյան - Մաքս Իլինվորթ պարտիաներն ավարտվեցին ոչ-ոքի։
Կանանց թիմը հաղթեց Բանգլաշեդի հավաքականին` 4։0 հաշվով։ Լիլիթ Մկրտչայնը հաղթեց Ակտեր Լիզ Շամիմային, Լիլիթ Գալոյանը` Խան Նազրանին, Մարինա Կուրսովան` Ռանի Համիդին, Շուշան Սարգսյանը` Շարմին Սուլթանային։
Առաջին տուրում Հայաստանի տղամարդկանց և կանանց հավաքականները հաղթել էին միևնույն հաշվով` 4:0` Ճապոնիայի և Գվատեմալայի հավաքականներին։
Շախմատի օլիմպիադան կտևի մինչև օգոստոսի 14-ը։ --0--