Ֆուտբոլի 2016 թ.–ի Եվրոպայի առաջնության բացման և եզրափակիչ հանդիպումները կանցնեն Ֆրանսիայի «Ստադ դե Ֆրանս» մարզադաշտում
![Ֆուտբոլի 2016 թ.–ի Եվրոպայի առաջնության բացման և եզրափակիչ հանդիպումները կանցնեն Ֆրանսիայի «Ստադ դե Ֆրանս» մարզադաշտում Ֆուտբոլի 2016 թ.–ի Եվրոպայի առաջնության բացման և եզրափակիչ հանդիպումները կանցնեն Ֆրանսիայի «Ստադ դե Ֆրանս» մարզադաշտում](/upload/iblock/eb6/4wlk8u2hexos1kblcpmrd975r9p8tyfr.jpg)
ԵՐԵՎԱՆ, 25 ապրիլի. /Նովոստի–Արմենիա/. Ֆրանսիայում կայանալիք Ֆուտբոլի 2016 թ.–ի Եվրոպայի առաջնության բացման և եզրափակիչ հանդիպումները տեղի կունենան Սեն Դենի քաղաքի «Ստադ դե Ֆրանս» մարզադաշտում, հաղորդում Ֆրանս Փրես գործակալությունը։
Այս մասին հայտարարվել է ուրբաթ Փարիզում Եվրոպայի առաջնության օրացույցի հրապարակման ժամանակ, հաղորդում է «ՌԻԱ Նովոստին»։
«Ստադ դե Ֆրանս» մարզադաշտում կկայանա առաջնության 7 խաղ, որոնց թվում են բացման հանդիպումը (հունիսի 10), եզրափակիչը (հուլիսի 10) և քառորդ եզրափակիչներից մեկը։ Կիսաեզրափակիչները տեղի կունենան Մարսելում և Լիոնում, մնացած քառորդ եզրափակիչները` Լիլում, Բորդոյում և Մարսելում։
1998 թ.–ին «Ստադ դե Ֆրանս» մարզադաշտում տեղի ունեցավ աշխարհի առաջնության եզրափակիչը, որի ժամանակ Ֆրանսիայի հավաքականը 3–0 հաշվով ջախջախիչ պարտության մատնեց Բրազիլիայի հավաքականին և իր պատմության մեջ առաջին անգամ դարձավ աշխարհի չեմպիոն։
Եվրոպայի առաջնությունը տեղի կունենա 2016 թ.–ի հունիսի 10–ից հուլիսի 10–ը Ֆրանսիայի 10 քաղաքներում։–0–