Իլյումժինովն Արոնյանին հաղթանակ է մաղթել հավակնորդների շախմատային մրցաշարում
![Իլյումժինովն Արոնյանին հաղթանակ է մաղթել հավակնորդների շախմատային մրցաշարում Իլյումժինովն Արոնյանին հաղթանակ է մաղթել հավակնորդների շախմատային մրցաշարում](/upload/iblock/833/mdh0rmlw7rjgy6kiyd4envinjhn1b9zp.jpg)
ԵՐԵՎԱՆ, 3 մարտի. /Նովոստի–Արմենիա/. ՖԻԴԵ–ի նախագահ Կիրսան Իլյումժինովը հայ գրոսմայստեր Լևոն Արոնյանին հաղթանակ է մաղթել Խանտի Մանսիյսկի հավակնորդների շախմատային մրցաշարում։
Հավակնորդների մրցաշարը կանցկացվի մարտի 11–ից 31–ը։ Մրցաշարին կմասնակցեն ութ գրոսմայստերներ` Վիշվանաթան Անանդը (Հնդկաստան), Վլադիմիր Կրամնիկը (Ռուսաստան), Դմիտրի Անդրեյկինը (Ռուսաստան), Վեսելին Տոպալովը (Բուլղարիա), Շահրիար Մամեդյարովը (Ադրբեջան), Լևոն Արոնյանը (Հայաստան), Սերգեյ Կարյակինը (Ռուսաստան)։ Արոնյանը մրցաշարին մասնակցում է երրորդ անգամ։
«Փորձագետներն ասում են, որ հավակնորդների մրցաշարը շատ հետաքրքիր, մարտական է լինելու, և հաղթելու հնարավորություններ ունեն շատերը, բայց Լևոն Արոնյանը վարկանիշով աշխարհի երկրորդ գրոսմայստերն է աշխարհի չեմպիոն Մագնուս Կարլսենից հետո։ Գտնվելով այստեղ` Հայաստանում, շախմատի համաշխարհային կենտրոնում, նրան լավ խաղ և հաղթանակ եմ մաղթում։ Շատ կարևոր է, որ նա չհուզվի, հոգեբանորեն տրամադրվի»,– ասել է Իլյումժինովը լրագրողներին։
ՖԻԴԵ–ի ղեկավարը Հայաստան է ժամանել Եվրոպայի անհատական առաջնության բացման արարողությանը մասնակցելու համար։ -0-