Ամստերդամի «Այաքսի» կիսապաշտպան Արազ Օզբիլիսը շարունակում է մնալ Հայաստանի ֆուտբոլի հավաքականի գլխավոր մարզիչ Վարդան Մինասյանի ուշադրության կենտրոնում:
Արազ Օզբիլիսը վնասվածքի պատճառով չկարողացավ օգնել հայկական հավաքականին Անդորրայի և Սլովակիայի հավաքականների հետ խաղերում:
«Իհարկե, Օզբիլիսը մնում է իմ տեսադաշտում, որքան գիտեմ, նա արդեն մարզվում է «Այաքսի» հիմնական խմբում», - ասաց Մինասյանը:
Պատասխանելով կամերունցի ֆուտբոլիստ Ապուլա Էրդիմ Բետեի («ПСЖ»-ի նախկին դարպասապահ, ով ավելի վաղ խաղում էր Հայաստանի հավաքականում)՝ հայկական հավաքականին միանալու մասին «Նովոստի-Արմենիա» գործակալության հարցին՝ Մինասյանը նշեց, որ հետևում է նրա խաղերին:
«Իհարկե, ես շարունակում եմ հետևել Բետեին, սակայն, անկեղծ ասած, նրա գործողություններում որոշակի անկայունություն եմ նկատում», - ասաց Մինասյանը:
Նրա խոսքով՝ նա ամեն դեպքում հույս ունի, որ Հայաստանի հավաքականի դարպասապահ Ռոման Բերեզովսկին դեռ երկար ժամանակ կխաղա թիմում:
Մեկնաբանելով Եկատերինբուրգի «Ուրալ» թիմի պաշտպան Դենիս Թումասյանի հետ կապված իրավիճակը, ում կանչել էին հավաքական, սակայն նա չէր ներկայացել, Մինասյանը նշեց, որ Հայաստանի ֆուտբոլի ֆեդերացիայի ներկայացուցիչը 15 օր առաջ հրավեր էր ուղարկել ֆուտբոլիստին, և Թումասյանը նախնական համաձայնություն էր տվել:
«Մենք նրան կանչեցինք, իսկ նա չեկավ, միայն սա կարող եմ ասել», - ասաց Մինասյանը:
Մարզիչը նաև ավելացրեց, որ Հայաստանի երիտասարդական հավաքականում կա 4-5 ֆուտբոլիստ, ովքեր գտնվում են ազգային հավաքականի մարզչական շտաբի մշտական տեսադաշտում:
«Լավ է, որ երիտասարդական հավաքականը խաղեր չունի հոկտեմբերին, և որոշ խաղացողներ կկարողանան ներառվել հիմնական հավաքականի կազմում», - ասաց Մինասյանը:
Հոկտեմբերի 7-ն հայ ֆուտբոլիստները սեփական հարկի տակ ուժերը կչափեն մակեդոնացիների հետ ընտրական փուլի «В» խմբում: Հոկտեմբերի 11-ին Իռլանդիայում, հնարավոր է, հայ և իռլանդացի ֆուտբոլիստների միջև որոշիչ հանդիպում անցկացվի։
Հայ ֆուտբոլիստները 14 միավոր են հավաքել և մեկ միավորով զիջում են երկրորդ տեղը զբաղեցրած իռլանդացիներին։ 17 միավորով խմբի միանձնյա առաջատարը ռուսներն են։
Սլովակները նույնպես 14 միավոր ունեն, բայց նրանք զիջում են հայ ֆուտբոլիստներին անմիջական հանդիպումների արդյունքներով:
Մակեդոնացիներն Անդորրայի նկատմամբ նվազագույն 1։0 հաշվով տարած այսօրվա հաղթանակից հետո 7 միավոր են հավաքել և զբաղեցնում են հինգերորդ տեղը։ Անդորրացիները, տանուլ տալով իրենց բոլոր հանդիպումները, փակում են մրցաշարային աղյուսակը։ Բոլոր թիմերն ութական հանդիպում են խաղացել։ Միաժամանակ հայ ֆուտբոլիստները խփած և բաց թողած գնդակների լավագույն տարբերությունն ունեն՝ -17-7։-0-
