481.19
7.22
457.49
+17
Եղանակը Երևանում
Հայ

Հայ շախմատիստների հաղթանակի գրավականը թիմային ոգին էր. մարզիչ

15:55
29 Հուլիսի 2011

Հայաստանի շախմատի հավաքականն աշխարհի առաջնությունում հաղթեց կոլեկտիվի միասնականության շնորհիվ, հայտարարեց հայկական թիմի մարզիչ Արշակ Պետրոսյանը։

«Մեր թիմում գործում է «մեկը բոլորի համար, բոլորը՝ մեկի» սկզբունքը։ Նույնիսկ օտարերկրացիներն ասում էին մեզ, որ հայկական հավաքականն ավելի շատ ընտանիք է հիշեցնում, քան թիմ։ Եվ իսկապես, տղաները մեկ ընտանիք էին։ Դրա շնորհիվ մենք հաղթեցինք»,- ուրբաթ հրավիրված ասուլիսի ժամանակ ասաց Պետրոսյանը։

Մարզչի խոսքով՝ այս տարի աշխարհի առաջնությունն ամենաբարդն էր։ «Բայց մենք հաղթեցինք։ Հավաքականի առաջատարը, իհարկե, Լևոն Արոնյանն էր, ով իր հետևից էր տանում թիմը»,- նշեց նա։

Պետրոսյանը հիշեցրեց նաև հավաքականի ձևավորման սկզբունքը՝ թիմում ընդգրկվում է չորս գրոսմայստեր՝ հաշվի առնելով նրանց վարկանիշը, իսկ հինգերորդը  Հայաստանի չեմպիոնն է դառնում։

«Այս տարի Հայաստանի չեմպիոնն էր Ռոբերտ Հովհաննիսյանը, ով հավաքականի կազմում լիովին արդարացրեց մեր ակնկալիքները։ Թիմի նոր անդամը Սերգեյ Մովսիսյանն էր, ում մասնակցությունն ավելի ուժեղացրեց մեր հավաքականը»,- ավելացրեց նա։

Բացի այդ, մարզչի խոսքով, հաջողության գրավական դարձավ այն փաստը, որ առաջին անգամ հավաքականի հետ մեկնել էր  բժիշկ Արմեն Աղուզումցյանը, ով պատասխանում էր ինչպես թիմի առողջության, այնպես էլ ֆիզիկական պատրաստվածության համար։

«Սեփական բժշկին թիմում ընդգրկելու գաղափարը Արոնյանինն էր, և ամբողջ թիմն ուրախությամբ հավանության արժանացրեց այդ գաղափարը։ Աղուզումցյանը ոչ միայն մեր բժիշկն էր, այլ նաև աջակցեց մեզ հոգեբանորեն, այսինքն, միաժամանակ իր վրա վերցրեց հավաքականի հոգեբանի պարտականությունները։ Շնորհակալություն նրան»,- ասաց նա։

Պետրոսյանն ընդգծեց, որ շախմատիստներին ոգեշնչել է նաև պետության և անձամբ երկրի նախագահի աջակցությունը։ «Դուք գիտեք, թե ինչ նշանակություն ունի մարզիկի համար պետության աջակցությունը։ Երբ գիտես, որ քո մեջքին մի ողջ երկիր է կանգնած, ապա մտածում ես արդեն ոչ միայն խաղի, այլ հաղթելու մասին»,- ավելացրեց նա։

Հայկական հավաքականի մարզիչը նշեց նաև, որ ռուսական, ուկրաինական և ադրբեջանական թիմերը շատ ուժեղ մրցակիցներ էին, և հետագայում, բնականաբար, նրանք կփորձեն ռևանշ վերցնել, «իսկ մենք մեր հերթին կանենք ամեն ինչ չեմպիոնական տիտղոսը պահպանելու համար»։
Խաղի մասին տպավորությունները կիսեցին նաև հայկական հավաքականի անդամները։ Գաբրիել Սարգսյանի խոսքով՝ հայկական թիմին դիմակայում էին աշխարհի ուժեղագույն թիմերը, սակայն դա որևէ կերպ չազդեց հայ շախմատիստների մարտական ոգու վրա, քանի որ «մենք մեկ անգամ չէ, որ հաղթել ենք, և իսկապես արդեն հաղթողի հոգեբանություն ունենք»։

«Լարվածությունը հայտնվում է վերջում։ Որքան ուժեղ ես զգում, որ մոտենում ես հաղթանակին, այնքան դժվար է դառնում խաղալը։ Դա միակ լարված պահն է եղել։ Մեր թիմին չէր անհանգստացնում այն, որ մեր դեմ ուժեղ թիմեր են խաղում»,- ասաց Սարգսյանը։
Գրոսմայստերի խոսքով՝ անձամբ իրեն անհանգստացրել է այն փաստը, որ ինքը լավագույն մարզավիճակում չէ և վախեցել է ինչ-որ կերպ սխալվել։

Խոսելով ութերորդ տուրում ադրբեջանցի Շահրիար Մամեդյարովից կրած պարտության մասին՝ Սարգսյանը նշեց, որ «անշուշտ, կարևոր է՝ ում ես պարտվում», սակայն անձամբ նա այդքան էլ չի կարևորում այդ պարտությունը։ «Ինձ համար կարևոր չէ՝ ինչ թիմ է խաղում մեր դեմ, ադրբեջանցիներն ավելի շատ են սևեռված այդ ուղղությամբ»,- նկատեց նա։
Գրոսմայստեր Վլադիմիր Հակոբյանն իր հերթին ավելացրեց, որ հայկական հավաքականը հանգիստ է վերաբերվում իր հաղթանակին։

«Երբ մենք առաջին անգամ հաղթեցինք օլիմպիական խաղերում, արձագանքը շատ մեծ էր։ Երբ հաղթեցինք երկրորդ անգամ, ավելի հանգիստ դրան վերաբերվեցինք։ Իսկ այս անգամ արդեն դա ընկալեցինք որպես բնական երևույթ»,- ասաց նա։

Խոսելով ադրբեջանցի Ռաուֆ Մամեդովի նկատմամբ ունեցած հաղթանակի մասին՝ գրոսմայստերը նշեց, որ խաղի ավարտին լարվածության արհեստական մթնոլորտ էր ստեղծվել, քանի որ ադրբեջանցին, սկզբունքորեն, պետք է հանձնվեր պարտիայի ավարտից արդեն 20 քայլ առաջ։ «Ըստ էության, նրան կարելի է հասկանալ, չէ՞ որ նա վախենում էր այն մեղադրանքից, թե մինչև վերջ չի պայքարել։ Վստահ եմ, որ անհատական խաղում նա ավելի շուտ կհանձնվեր»,- ասաց Հակոբյանը։

Հայկական հավաքականի ամենաերիտասարդ անդամը՝ Հայաստանի շախմատի չեմպիոն Ռոբերտ Հովհաննիսյանը, նշեց, որ իր համար մեծ պատիվ էր խաղալ նման լեգենդար թիմի կազմում։
«Ինձ համար դա շատ պատասխանատու էր, և ես ուրախ եմ, որ առաջին անգամ խաղալով հավաքականում, հաջողության հասա»,- ընդգծեց Հովհաննիսյանը։
Այժմ Հայաստանի շախմատի հավաքականը պատրաստվում է Եվրոպայի առաջնությանը, որը կանցնի ընթացիկ տարվա աշնանը՝ Հունաստանում։ Հայկական հավաքականը Հունաստանում հանդես կգա նույն կազմով, ինչ որ Չինաստանում։

Հայ շախմատիստները պատմության մեջ առաջին անգամ հուլիսի 26-ին նվաճել են Չինաստանում անցկացված աշխարհի թիմային առաջնության «ոսկին»: Հայաստանը Շախմատի համաշխարհային օլիմպիադայի կրկնակի չեմպիոն է: Ընդ որում շախմատի հայ վարպետները երկու անգամ անընդմեջ են նվաճել այս տիտղոսը՝ 2006 թ.-ին Թուրինում և 2008 թ.-ին Դրեզդենում: --0-

Ծանոթացեք լուրերին առաջինն ու քննարկեք դրանք մեր Telegram-յան ալիքում

Partners News
ԱՌԿԱ գործակալություն
Բաժնի այլ նյութեր
15:01
16 Մայիսի 2022
44-օրյա պատերազմում երկու ոտքը կորցրած Սարգիս Հարությունյանը հռչակվել է Բազկամարտի Եվրոպայի չեմպիոն` հաղթելով թուրք մարզիկին (ՖՈՏՈ, ՎԻԴԵՈ)
44-օրյա պատերազմում երկու ոտքը կորցրած Սարգիս Հարությունյանը հռչակվել է Բազկամարտի Եվրոպայի չեմպիոն` հաղթելով թուրք մարզիկին. ՖՈՏՈ, ՎԻԴԵՈ
22:05
08 Մայիսի 2022
Ծանրորդ Գարիկ Կարապետյանը հռչակվեց երիտասարդների աշխարհի չեպիոն
Ծանրորդ Գարիկ Կարապետյանը հռչակվեց երիտասարդների աշխարհի չեպիոն
13:48
05 Մայիսի 2022
Ծանրորդ Գոռ Սահակյանը՝ երիտասարդների աշխարհի առաջնության բրոնզե մեդալակիր
Գոռ Սահակյան  բրոնզե մեդալ է նվաճել Ծանրամարտի աշխարհի երիտասարդական առաջնությունում
11:37
22 Ապրիլի 2022
Աննախադեպ իրադարձություն. Եվրոպայի ծանրամարտի 2023 թ.–ի առաջնությունը կանցկացվի Երևանում
Անկախ Հայաստանի պատմության ընթացքում առաջին անգամ Հայաստանը կընդունի ծանրամարտի Եվրոպայի առաջնությունը
22:51
21 Ապրիլի 2022
Էրիկ Իսրայելյանը՝ Եվրոպայի բռնցքամարտի երիտասարդների առաջնության ոսկե մեդալակիր
Եվրոպայի բռնցքամարտի երիտասարդների առաջնությունում Հայաստանի ներկայացուցիչ, 60 կգ քաշային Էրիկ Իսրայելյանը դարձել է ոսկե մեդալակիր
16:09
15 Ապրիլի 2022
ՀՀ–ում միջազգային մասշտաբի աննախադեպ սպորտային իրադարձություն է սպասվում. կառավարությունը շուրջ 750մլն դրամ կհատկացնի
ՀՀ–ում միջազգային մասշտաբի աննախադեպ սպորտային իրադարձություն է սպասվում. կառավարությունը շուրջ 750մլն դրամ կհատկացնի
15:57
13 Ապրիլի 2022
Հենրիխ Մխիթարյանի 2 տարեկան որդին դարձել է «գոլի հեղինակ» (ՎԻԴԵՈ)
Հենրիխ Մխիթարյանի 2 տարեկան որդին դարձել է «գոլի հեղինակ». ՎԻԴԵՈ
13:50
08 Ապրիլի 2022
Հայաստանի ֆուտբոլի կանանց հավաքականը 12։0 հաշվով զիջել է Լեհաստանի ընտրանուն
Հայաստանի ֆուտբոլի կանանց հավաքականը 12։0 հաշվով զիջել է Լեհաստանի ընտրանուն
23:25
06 Ապրիլի 2022
Գաբրիել Սարգսյանը հռչակվեց շախմատի Եվրոպայի տղամարդկանց անհատական առաջնության փոխչեմպիոն
Գրոսմայստեր Գաբրիել Սարգսյանը հռչակվեց շախմատի Եվրոպայի տղամարդկանց անհատական առաջնության փոխչեմպիոն
14:31
03 Ապրիլի 2022
Մալխաս Ամոյանի խորհրդանշական հաղթանակը. հայ ըմբիշի շնորհիվ թուրք և ադրբեջանցի մարզիկները ոտքի կանգնեցին ՀՀ օրհներգի հնչյունների ներքո (ՎԻԴԵՈ)
Մալխաս Ամոյանի խորհրդանշական հաղթանակը. հայ ըմբիշի շնորհիվ թուրք և ադրբեջանցի մարզիկները ոտքի կանգնեցին ՀՀ օրհներգի հնչյունների ներքո. ՎԻԴԵՈ
22:26
02 Ապրիլի 2022
Մալխաս Ամոյանը հաղթեց թուրք ըմբիշին ու նվաճեց Եվրոպայի չեմպիոնի կոչումը
Հունահռոմեական ոճի ըմբիշ Մալխաս Ամոյանը 4-3 հաշվով հաղթեց թուրք ըմբիշին ու դարձավ Եվրոպայի չեմպիոն
10:23
01 Ապրիլի 2022
Հայաստանի հավաքականի պաշտպան Վարազդատ Հարոյանը վիրահատվել է (ՖՈՏՈ)
Վարազդատ Հարոյանը վիրահատվել է և լուսանկար է հրապարակել