Յուրա Մովսիսյանն իր առաջին գնդակն է խփել «Կրասնոդար» ֆուտբոլային ակումբի կազմում
![Յուրա Մովսիսյանն իր առաջին գնդակն է խփել «Կրասնոդար» ֆուտբոլային ակումբի կազմում Յուրա Մովսիսյանն իր առաջին գնդակն է խփել «Կրասնոդար» ֆուտբոլային ակումբի կազմում](/upload/iblock/cfa/yqrzq02y598aycqlxjbkaiv2ynli1u2q.jpg)
ԵՐԵՎԱՆ, 21 մարտի. /Նովոստի-Արմենիա/. «Կրասնոդար» ֆուտբոլային ակումբի կազմում հանդես եկող Հայաստանի հավաքականի ֆուտբոլիստ Յուրա Մովսիսյանն իր առաջին գոլն է խփել ռուսական թիմի կազմում:
Ընդ որում «Կրասնոդարի» ֆուտբոլիստներն իրենց առաջին հաղթանակն են տարել ռուսական պրեմիեր-լիգայում՝ երկրորդ փուլում սեփական հարկի տակ 2:0 հաշվով պարտության մատնելով Նալչիկի «Սպարտակ» ակումբին:
Ինչպես հաղորդում է «ՌԻԱ Նովոստին», խաղի 30-րդ րոպեին «Սպարտակը» անկյունայինի խաղարկությունից հետո հաշիվը բացելու լավ հնարավորություն ուներ, սակայն Եվգենի Օվսիենկոյի հարվածը շեղ էր, գնդակը դիպավ դարպասաձողին: Դաշտի տերերը խաղի 35-րդ րոպեին առաջին գնդակը խփեցին, որի հեղինակը Իգոր Պիկուշչակն էր, նա Դուշան Անժելկովիչի փոխանցումից հետո գլխով գնդակը ուղարկեց դեպի դարպաս:
«Կրասնոդարի» մարզիչ Սլավոլյուբ Մուսլինը ճիշտ փոփոխություն կատարեց, դաշտ դուրս գալուց քիչ անց Յուրա Մովսիսյանը կրկնապատկեց իր թիմի հաշիվը՝ գնդակ խփելով խաղի 70-րդ րոպեին:
Երրորդ փուլում «Կրասնոդարին» սեփական հարկի տակ կընդունի ԲԿՄԱ-ն, իսկ «Սպարտակը» սեփական հարկի տակ ուժերը կչափի Սանկտ Պետերբուրգի «Զենիթի» հետ:-0-