«Լեսթերը» պատմության մեջ առաջին անգամ Անգլիայի չեմպիոն է դարձել «Չելսիի» շնորհիվ

ԵՐԵՎԱՆ, 3 մայիսի. /Նովոստի–Արմենիա/. «Լեսթեր» ակումբը պատմության մեջ առաջին անգամ ֆուտբոլի Անգլիայի չեմպիոն է դարձել։ Դա հայտնի է դարձել նրանից հետո, երբ Լոնդոնի «Տոտենհեմը» ոչ–ոքի է խաղացել «Չելսիի» հետ 2։2 հաշվով երկրի առաջնության 36–րդ տուրի խաղում, հայտնում է ՏԱՍՍ–ը։

«Տոտենհեմի» կազմում գոլեր են խփել Հարի Քեյնը (35-րդ րոպե) և Սոն Հըն Մինը (44)։ «Չելսիից» աչքի են ընկել Հերի Քեյհիլը (58) և Էդեն Ազարը (83)։

«Լեսթերը» 77 միավոր է հավաքել 36 խաղերում։ «Տոտենհեմը» կարող էր նոր չեմպիոնից առաջ անցնել միայն «Չելսիի» նկատմամբ հաղթանակի դեպքում։ Առաջնության ավարտից երկու տուր առաջ «Տոտենհեմը» 70 միավոր ուներ։

«Լեսթերը» դարձել է 24–րդ ակումբը, որը հաղթել է Անգլիայի առաջնությունում։

«Լեսթերը» նախորդ սեզոնում զբաղեցրել է մրցաշարի 14–րդ տեղը։ Ակումբի նախորդ մեծ նվաճումը 1928/29 խաղաշրջանում ֆուտբոլային լիգայի առաջին դիվիզիոնի երկրորդ տեղն էր։ Անգլիայի առաջնությունում հաղթանակների առավելագույն թիվը պատկանում է «Մանչեսթեր Յունայթեդին»` 20։ Երկրորդ տեղում այդ ցուցանիշով «Լիվերպուլն» է (18)։ Երրորդ տեղում «Արսենալն» է 13 չեմպիոնություններով։

Չեմպիոնի տիտղոսի նվաճումից հետո «Լեսթերը» կստանա ավելի քան £93 մլն։ Չեմպիոնական տիտղոսն առաջինն է դարձել «Լեսթերի» գլխավոր մարզիչ Կլաուդիո Ռանիերիի համար։ -0-