ԵՐԵՎԱՆ, 25 նոյեմբերի. /Նովոստի–Արմենիա/. ՀՖՖ նախագահ Ռուբեն Հայրապետյանը չորեքշաբթի առաջատար ԶԼՄ–ների հետ ոչ ֆորմալ հանդիպման ժամանակ չբացառեց, որ Հայաստանի հավաքականի խաղերի տոմսերի գները, հնարավոր է, վերանայվեն։
«Բնականաբար, տոմսերի գների հարցը դիտարկում եմ որոշ վերապահումով` հաշվի առնելով երկրի ծանր տնտեսական վիճակն ու բնակչության սոցիալապես անապահով շերտերի առկայությունը։ Այս կապակցությամբ կարելի է քննարկել տոմսերի գների վերանայման հարցն ու դրանք էժանացնել», – ասաց Հայրապետյանը։
Ոստիկանության հետ քաշքշուկ Երևանում ֆուտբոլի երկրպագուների բողոքի ակցիայի ժամանակ>>
Նա նաև ընդգծեց, որ եթե գներն, իսկապես, այդքան բարձր են, ապա ինչպես կարելի է բացատրել այն փաստը, որ պորտուգալացիների հետ խաղից երեք օր առաջ բոլոր տոմսերը վաճառվել էին, և դրանք հնարավոր էր գնել միայն վերավաճառողների միջոցով։
«Պորտուգալացիների հետ խաղի ժամանակ մարզադաշտը լեփ–լեցուն էր, այսինքն` այն մարդիկ, ովքեր բղավում են բարձր գների մասին, իրականում, Հայաստանի հավաքականի երկրպագուները չէն, այլ Պորտուգալիայի հավաքականի և Քրիշտիանո Ռոնալդուի երկրպագուներն են», – ավելացրեց Հայրապետյանը։ –0–