Ի՞նչ արժե Ռոնալդուի մեկ հրապարակումը Instagram-ում.որքա՞ն է վաստակում ֆուտբոլիստը մեկ տարվա ընթացքում

ԵՐԵՎԱՆ, 1 հուլիսի./Նովոստի–Արմենիա/. Ֆուտբոլիստը սոցիալական ցանցերում ավելի շատ է վաստակում, քան «Յուվենտուսում»։  

The Guardian- ը հայտնում է, որ «Յուվենտուսի» հարձակվող Կրիշտիանու Ռոնալդուն գլխավորել է Instagram- ի վարկանիշային աղյուսակը՝ գովազդային հրապարակումների արժեքների առումով, հաղորդում է armsport–ը:

Աղբյուրի համաձայն, մեկ հրապարակման համար պորտուգալացին կարող է վաստակել մինչեւ 1,6 միլիոն դոլար: Հարձակվողն առաջին անգամ է գլխավորում էր այս ցուցակը, իսկ անցյալ տարի նա երրորդ տեղում էր:

Մեկ տարվա ընթացքում Կրիշտիանու Ռոնալդուն կարող է վաստակել ավելի քան 40 միլիոն եվրո, ինչը շատ ավելին է, քան ֆուտբոլիստին վճարում են իր ակումբում՝ «Յուվենտուսում»:

Այս պահին հարձակվողը Instagram-ի ամենահայտնի օգտատերն է, քանի որ նա ունի ավելի քան 300 միլիոն հետևորդ:–0–