Գեղասահորդուհի Գալուստյանն աշխարհի առաջնության ազատ ծրագրում մասնակցելու իրավունք նվաճեց (ՏԵՍԱՆՅՈւԹ)
01.04.2016,
19:30
Գեղասահորդուհի Անաստասիա Գալուստյանը շարունակում է պայքարը ԱՄՆ-ի Բոսթոն քաղաքում ընթացող աշխարհի առաջնությունում:
ԵՐԵՎԱՆ, 1 ապրիլի. /Նովոստի–Արմենիա/. Գեղասահորդուհի Անաստասիա Գալուստյանը շարունակում է պայքարը ԱՄՆ-ի Բոսթոն քաղաքում ընթացող աշխարհի առաջնությունում, հաղորդում է ՀԱՕԿլրատվության բաժինը։
Աղջիկների կարճ ծրագրում Գալուստյանը հանդես եկավ 5-րդ ենթախմբում և հավաքելով 53,24 միավոր՝ ընդհանուր հաշվարկում զբաղեցրեց 20-րդ հորիզոնականը:
Պատանեկան Օլիմպիական խաղերի մասնակիցը իրավունք ստացավ մասնակցելու ազատ ծրագրին։
Կարճ ծրագրից հետո առաջատարը ԱՄՆ ներկայացնող Գրասի Գոլդն է: Ազատ ծրագրով աղջիկները հանդես կգան արդեն ապրիլի 2-ին:–0–