«Բարսելոնան» 7։0 հաշվով ջախջախիչ պարտության է մատնել «Վալենսիային» (ՏԵՍԱՆՅՈւԹ)

ԵՐԵՎԱՆ, 4 փետրվարի. /Նովոստի–Արմենիա/. «Բարսելոնան» հաղթել է Իսպանիայի գավաթի կիսաեզրափակչի առաջին հանդիպման ժամանակ` 7։0  հաշվով պարտության մատնելով «Վալենսիային», հաղորդում է «ԱիՖ»–ը։

Հանդիպումը տեղի է ունեցել «Քամփ Նոու» մարզադաշտում։ Չորս գոլի հեղինակ է դարձել Լուիս Սուարեսը (հանդիպման 7–րդ, 12–րդ, 83–րդ և 88–րդ րոպեներին)։ Եվս երեք գոլի հեղինակ է դարձել Լիոնել Մեսսին (29–րդ, 59–րդ և 74–րդ րոպեներ)։

ՏԱՍՍ–ի հաղորդմամբ` այս հանդիպման շրջանակում Մեսսին հաղթահարել է կարիերայի ընթացքում խփած 500 գոլերի շեմը։ Հիմա «Ոսկե գնդակի» հնգակի դափնեկիրը 501 գոլերի հեղինակ է, որոնցից 436–ը նա խփել է «Բարսելոնայի» կազմում, ևս 65–ը` Արգենտինայի հավաքականի կազմում։

Պատասխան հանդիպումը տեղի կունենա փետրվարի 10–ին։–0–