Վրաստանի նախագահը պաշտոնական այցով կժամանի Հայաստան
17.04.2025,
13:07
Վրաստանի նախագահ Միխեիլ Կավելաշվիլին ապրիլի 28-29-ը պաշտոնական այցով կլինի Հայաստանում
ԵՐԵՎԱՆ, 17 ապրիլի․/Նովոստի–Արմենիա/․ Վրաստանի նախագահ Միխեիլ Կավելաշվիլին ապրիլի 28-29-ը պաշտոնական այցով կլինի Հայաստանում:
«Արմենպրես»-ի հաղորդմամբ՝ այս մասին հայտնում է Վրաստանի նախագահի գրասենյակը։
Նշվում է, որ այցի շրջանակում Վրաստանի նախագահը հանդիպումներ կունենա Հայաստանի նախագահ Վահագն Խաչատուրյանի, վարչապետ Նիկոլ Փաշինյանի, ԱԺ նախագահ Ալեն Սիմոնյանի, Գարեգին Բ Ամենայն հայոց կաթողիկոսի հետ:
Նշենք, որ Միխեիլ Կավելաշվիլին Վրաստանի նախագահի պաշտոնում իր առաջին պաշտոնական այցով նախօրեին գտնվել է Ադրբեջանում։ Բաքվում նա հանդիպել է Ադրբեջանի նախագահ Իլհամ Ալիևի հետ։
Նրանք քննարկել են Ադրբեջանի և Վրաստանի հարաբերությունները, էներգետիկ հարցերը, միջազգային օրակարգի և այլ հարցեր։
Պատճենել հղումը
