ԵՐԵՎԱՆ, 30 սեպտեմբերի./Նովոստի-Արմենիա/. Ռուսաստանը չի սատարում Ղարաբաղյան հակամարտության մեջ մասնակցելու Թուրքիայի հայտարարություններին, այս մասին հայտնել է ՌԴ նախագահի մամուլի քարտուղար Դմիտրի Պեսկովը՝ պատասխանելով լրագրողների հարցերին, հաղորդում է rueconomics.ru-ն:
Загружается новость ... "Лево"
Լրագրողները Կրեմլի ներկայացուցչի հարցրել են այն մասին, թե ինչպես է Մոսկվան պատրաստվում արձագանքել Լեռնային Ղարաբաղում տիրող իրավիճակին, և նշել, որ Անկարան չի թաքցնում համակարտության մեջ իր հետաքրքրությունը:
«Պետք է հստակ տարբերակենք: Արդյոք եղե՞լ են Թուրքիայի հայտարարությունները հակամարտությանը մասնակցելու մասին: Անշուշտ, հայտարարություններին մենք չենք սատարում, համաձայն չենք»,- մեջբերում է Լուրերի դաշնաին գործակալությունը Պեսկովի խոսքերը:
ՌԴ առաջնորդի խոսնակը հավելել է, որ Կրեմլը կոչ է անում Հայաստանին և Ադրբեջանին մարտական գործողությունների անհապաղ դադարեցման, իս մյուս երկրներին՝ զսպվածության:
Պեսկովը նաև հայտնել է, որ հայկական Սու-25 ինքնաթիռի մասին տեղեկատվությունը, որը ՀՀ ՊՆ հաղորդմամբ, խոցվել է թուրքական F-16 կործանիչի կողմից, արձանագրվում է ռուս զինվորականների կողմից:
Արցախում իրավիճակի սրացման մասին
Սեպտեմբերի 27–ին ժամը 07։10–ին Ադրբեջանի ԶՈւ–ն լայնածավալ գործողություններ է սկսել Արցախի շփման գծի ողջ երկայնքով։ Հայաստանի և Արցախի ՊՆ–ների հաղորդմամբ, հակառակորդը սկսել է օդային և հրթիռային հարձակումներ, սակայն հետ է ամղվել մի քանի ուղղություններով։
Ադրբեջանական կողմը կրել է կենդանի ուժի մեծաքանակ կորուստներ, կորցրել է նաև մեծ քանակի տեխնիկա
Արցախի և Հայաստանի ՊՆ–ների հաղորդմամբ, հայկական կողմից զոհվել է 80 զինծառայող։ Վիրավորվել է մոտ 200 զինծառայող։
Նշենք, որ Ադրբեջանի ԶՈւ–ն գնդակոծում է նաև խաղաղ բնակավայրերը, այդ թվում` Արցախի մայրաքաղաք Ստեփանակերտը։
Արցախում և Հայաստանում հայտարարվել է ռազմական դրություն և համընդհանուր զորահավաք։–0–
