Հայաստանի ընդդիմությունը նույնպես պատասխանատվություն է կրում երկրում ընտրություններն արդյունավետ և կազմակերպված անցկացնելու համար, հայտարարեց Հայաստանում Մեծ Բրիտանիայի Միացյալ թագավորության Արտակարգ և Լիազոր դեսպան Չարլզ Լոնսդեյլը:
Հայաստանում ԱԺ հերթական ընտրությունները կանցկացվեն 2012 թվականի մայիսին:
«Եվրամիության հետ մենք սատարում ենք ՀԱյաստանի կառավարության անկողմնակալ ու արդար ընտրություններ անցկացնելու ձգտման համար»,- երկուշաբթի ասաց դեսպանը:
Նա ողջունեց նախագահի և վարչապետի հայտարարությունը « Հայաստանի պատմության մեջ ամենարդար ու թափանցիկ ընտրություններ անցկացնելու» մտադրության մասին, ինչը երկրում ժողովրդավարացման գործընթացի ցուցանիշը կհանդիսանա:
Դեսպան Լոնսդեյլը, ում լիազորությունները Հայաստանում կավարտվեն հաջորդ տարվա հունվարին, նշեց նաև, որ Հայաստանում աշխատելու չորս տարիների ընթացքում ակնհայտ առաջընթաց է գրանցվել մի շարք ոլորտներում:
«Հարցերը, որոնք այնքան էլ չէին քննարկվում հայ հասարակության շրջանում, լիովին այլ բնույթ են ստացել, և այնպիսի խնդիրներ, ինչպիսին են կնոջ իրավունքները և այլ սոցիալական խնդիրներ, մեծ արձագանք են գտել հասարակության շրջանում»,- ասաց նա:
Նա նաև նշեց հանրապետության կառավարության՝ երկրում կոռուպցիայի և կաշառքի վերացմանն ուղղված ձգտումը:---0-
