Հայաստանի և Վրաստանի ԱԳ նախարարները քննարկել են բարձր մակարդակի քաղաքական երկխոսության շրջանակում նախատեսվող առաջիկա ծրագրերին
06.03.2025,
21:38
Անդրադարձել է կատարվել Հարավային Կովկասում խաղաղության և կայունության ապահովման ուղղությամբ քննարկումներին
ԵՐԵՎԱՆ, 6 մարտի․/Նովոստի–Արմենիա/․ Մարտի 6-ին ՀՀ ԱԳ նախարար Արարատ Միրզոյանը հեռախոսազրույց է ունեցել Վրաստանի ԱԳ նախարար Մակա Բոճորիշվիլիի հետ, հաղորդում է ՀՀ ԱԳՆ մամուլի ծառայությունը։
Զրուցակիցները մտքեր են փոխանակել երկկողմ օրակարգի և տարածաշրջանային հարցերի շուրջ:
Արարատ Միրզոյանը և Մակա Բոճորիշվիլին անդրադարձ են կատարել Հայաստան-Վրաստան բարձր մակարդակի քաղաքական երկխոսության շրջանակներում նախատեսվող առաջիկա ծրագրերին՝ երկու երկրների միջև հաստատված ռազմավարական գործընկերությանը համահունչ:
Հեռախոսազրույցի ընթացքում անդրադարձել է կատարվել Հարավային Կովկասում խաղաղության և կայունության ապահովման ուղղությամբ քննարկումներին։
Պատճենել հղումը
