Ջեռուցման խնդիրներ ունեցող հայկական 342 դպրոցներում պարապմունքները կսկսվեն հունվարի 23-ից. ԿԳՆ

Հայաստանի 342 հանրակրթական դպրոցներում, որտեղ ջեռուցման խնդիրներ կան, երկրորդ կիսամյակի պարապմունքները կսկսվեն հունվարի 23-ից, հինգշաբթի լրագրողներին հայտնեց Հայաստանի կրթության և գիտության նախարարության հանրակրթության վարչության պետ Նարինե Հովհաննիսյանը:

Երկրի՝ ջեռուցման խնդիրների ունեցող 342 դպրոցների, մասնավորապես, Երևանի 28 դպրոցների աշակերտների ձմեռային արձակուրդները երկարաձգվել էին Հայաստանի կրթության և գիտության նախարարի շրջաբերական նամակով: Մյուս դպրոցներում ամանորյա արձակուրդներից հետո 3-12-րդ դասարանների աշակերտների պարապմունքները վերսկսվել են հունվարի 9-ին:

Հովհաննիսյանը նշեց նաև, որ արձակուրդները երկարաձգվել են գարնանային արձակուրդների շաբաթվա հաշվին, իսկ բաց թողնված դասերը կլրացվեն շաբաթ օրերին անցկացվող լրացուցիչ դասերի միջոցով:

«Կարծում եմ, որ շուտով դպրոցներում ջեռուցման հետ կապված խնդիրները կլուծվեն, և հաջորդ տարիներին մենք ստիպված չենք լինի երկարաձգել ձմեռային արձակուրդները»,- հայտնեց Հովհաննիսյանը:

Նրա խոսքով՝ նույնիսկ այն դպրոցներում, որտեղ ջեռուցման հետ կապված խնդիրներ չկան, դասերի առաջին շաբաթվա ընթացքում բացակայության խնդիր կա, ինչը կապված է երկարատև տոնական արձակուրդների եհտ: Սակայն ելնելով նախորդ տարիների փորձից՝ նա վստահություն հայտնեց, որ արդեն երկուշաբթի օրվանից դպրոցներ հաճախումը կկարգավորվի:

Հայաստանում գործում է մոտ 1400 հանրակրթական դպրոց: -0-