Հետբուհական կրթությունը Հայաստանի խնդրահարույց ոլորտներից մեկն է. ԲՈՀ նախագահ

ԵՐԵՎԱՆ, 25 նոյեմբերի. /Նովոստի-Արմենիա/. Հետբուհական կրթության խնդիրն առավել հրատապներից մեկն է Հայաստանի կրթական համակարգում, ասել է Հայաստանի բարձրագույն որակավորման հանձնաժողովի նախագահ, պրոֆեսոր Արտուշ Ղուկասյանը:

 «Հետբուհական կրթության հիմնական խնդիրները կազմակերպումն է, մասնագետների որակը, ինչպես նաև գիտական բազան», - ասել է Ղուկասյանն ուրբաթ գիտական և գիտամանկավարժական կադրերի որավորման համակարգի գործունեության և հեռանկարային ծրագրերի իրագործման թեմային նվիրված սեմինար-խորհրդատվությունից առաջ:

Ղուկասյանը նշել է, որ վերջերս այս ուղղությամբ բավականին ակտիվ գործունեություն է սկսել ՀՀ ԿԳՆ-ն, որը, մասնավորապես, զբաղվում է հետբուհական կրթության գիտական ծրագրերի սրբագրմամբ, ինչպես նաև կրթության կրեդիտային համակարգի ներդրմամբ՝ միջազգային չափորոշիչներին առավել լիարժեք համապատասխանելու համար:

«Կարծում եմ, որ շուտով մենք այս ուղղությամբ դրական փոփոխություններ կարձանագրենք», - ընդգծել է նա:

Ղուկասյանն ավելացրել է, որ հետբուհական կրթության կատարելագործման խնդիրը ներառված է ՀՀ ԿԳՆ հետբուհական կրթության վարչության լիազորությունների մեջ է, իսկ հանձնաժողովը միայն մասնակցում է կազմակերպչական հարցերին նվիրված համատեղ քննարկումներին:

Նա նաև ընդգծել է, որ այս տարի Բարձրագույն որակավորման հանձնաժողովը վերադարձրել է 36 գիտական աշխատանք գիտական աստիճանների հայցորդներին լրամշակման համար, և մերժված աշխատանքների նման քանակությունն աննախադեպ է հանրապետության համար:-0-