ՀՀ աղետների ռիսկերի նվազեցման ազգային ռազմավարությանը նվիրված համաժողովը կանցկացվի հոկտեմբերի 21-ին
Հոկտեմբերի 21-ին Երևանում կանցկացվի ՀՀ աղետների ռիսկերի նվազեցման (ԱՌՆ) ազգային ռազմավարությանը նվիրված համաժողով, հինգշաբթի «Նովոստի-Արմենիա» գործակալությանը հաղորդեցին ԱԻՆ մամուլի ծառայությունից:
Հանդիպմանը ներկա կլինեն ՀՀ բոլոր նախարարություն-գերատեսչությունների ու մարզպետարանների ղեկավար կազմի, դեսպանատների և միջազգային կազմակերպությունների ներկայացուցիչներ։
Համաժողովի նպատակներն են` ներկայացնել ՀՀ ԱՌՆ համակարգի վերջին տարիների ձեռքբերումները, նախանշել այս համակարգի զարգացման ուղղությունները, շարունակել ԱՌՆ համակարգի արագ և կայուն զարգացմանն ուղղված հետագա քայլերը։
Համաժողովի ընթացքում Կապան և Ալավերդի քաղաքները կստորագրեն ՄԱԿ-ի «Իմ քաղաքը պատրաստվում է» աղետների ռիսկի նվազեցման քարոզարշավին միանալու վկայականը։
Համաժողովի կազմակերպիչներն են Արտակարգ իրավիճակների նախարարությունը, ՄԱԶԾ հայաստանյան գրասենյակը և «Աղետների ռիսկերի նվազեցման ազգային պլատֆորմ» (ԱՌՆԱՊ) hիմնադրամը: -0-
