2011 թ.-ի սեպտեմբերի 1-ին ՖԻԴԵ-ի պաշտոնական կայքում հրապարակված վարկանիշային աղյուսակում աշխարհի 146 երկրների շրջանում Հայաստանը զբաղեցնում է 6-րդ տեղը:
Ինչպես հաղորդվում է ՖԻԴԵ-ի պաշտոնական կայքում, Հայաստանի միջին վարկանիշը 2655 է, հանրապետությունում կա 33 գրոսմայստեր և 21 միջազգային վարպետ:
ՖԻԴԵ- վարկանիշային աղյուսակում առաջին երեք տեղերը զբաղեցնում են Ռուսաստանը (վարկանիշը՝ 2738), Ուկրաինան (2697) և Չինաստանը (2661):
Աշխարհի ուժեղագույն շախմատիստների հարյուրակում ներառված են չորս հայ գրոսմայստերներ՝ Լևոն Արոնյանը (երրորդ տեղ, 2807 վարկանիշ), Սերգեյ Մովսիսյանը (30-րդ տեղ, 2715), Վլադիմիր Հակոբյանը (64-րդ տեղ, 2681), Գաբրիել Սարգսյանը (88-րդ տեղ, 2658) և Տիգրան Լ. Պետրոսյանը (98-րդ տեղ, 2649):
Կանանց լավագույն հարյուրյակում ներառված են հայկական շախմատի դպրոցի երեք ներկայացուցիչներ՝ գրոսմայստերներ Էլինա Դանիելյանը (12-րդ տեղ, 2517 միավոր), Լիլիթ Մկրտչյանը (26-րդ տեղ, 2475 միավոր,) և Լիլիթ Գալոյանը (75-րդ տեղ, 2389 միավոր):-0-
