Հայաստանում Facebook-ից օգտվողների թիվը գերազանցում է 90 հազարը. Facebakers

Հայաստանում Facebook սոցիալական ցանցից օգտվողների թիվը վերջին վեց ամսվա ընթացքում աճել է գրեթե 65 տոկոսով և կազմել 92420, ասվում է սոցիալական ցանցի վիճակագրական ցուցանիշում, որը հրապարկվում է Facebakers կայքում:

Հաշվետվության տվյալներով, կայքից օգտվողների թիվը կազմում է Հայաստանի բնակչության 3,12 տոկոսը կամ էլեկտրոնային ծառայություններից օգտվողների թվի 44,39 տոկոսը:

Առավել ակտիվ են 13-35 տարեկանն էր (87 տոկոս օգտվող), միաժամանակ հիմնական մասը բաժին է ընկնում 18-24 տարեկան տարիքային խմբին (44 տոկոս օգտվող)

35 տարեկանի և բարձր տարիքային խմբի ներկայացուցիչները կազմում են Facebook-ից օգտվողների 14 տոկոսը:

Օգտվողների թվով Հայաստանը սեպտեմբերի համեմատ բարձրացել է երկու կետով և զբաղեցնում է 123-րդ տեղը Facebakers-ում նշված 213 երկրների շրջանում:

Facebook-ն ամենամեծ մասսայականությունն է վայելում ԱՄՆ-ում (144 միլիոն օգտատեր), Ինդոնեզիայում (30 միլիոն), Մեծ Բրիտանիայում (28,4 միլիոն), Թուրքիայում (23,3 միլիոն) և Ֆրանսիայում (19,8 միլիոն):-0-