2012 թ.-ին արդար խորհրդարանական ընտրությունների դեպքում Հայաստանի իշխող կուսակցությունը կհավաքի 10-15 տոկոս. ընդդիմություն
2012 թվականին ազնիվ և արդար խորհրդարանական ընտրությունների դեպքում Հայաստանի Հանրապետական կուսակցությունը կհավաքի առավելագույնը ձայների 10-15 տոկոսը, կարծում է ընդդիմադիր Հայ ազգային կոնգրեսի արտաքին կապերի համակարգող Վլադիմիր Կարապետյանը։
«Եթե ընտրությունների արդյունքները չկեղծվեն, ապա իշխող ուժերի հաղթանակի մասին խոսք լինել չի կարող։ Եթե, իհարկե, մնացած 1,5 տարիների ընթացքում ՀՀԿ-ն արմատապես չփոխի իր գործունելաոճը»,- երկուշաբթի լրագրողներին ասաց Կարապետյանը։
Միաժամակ նա զերծ մնաց ՀԱԿ-ի հնարավորությունների վերաբերյալ կանխատեսումներից։
Ըստ նրա՝ արդար ընտրությունների անցկացման համար անհրաժեշտ է իշխանությունների քաղաքական կամք, որի դրսևորում կարող են դառնալ երկրի սոցիալ-տնտեսական պայմանների բարելավումը, «քաղբանտարկյալների» ազատումը։
Իր հերթին Հայաստանի Հանրապետական կուսակցության պատգամավոր Հովհաննես Սահակյանը նշեց, որ առայժմ վաղ է ընտրությունների վերաբերյալ կանխատեսումներ անել։
«Մենք որևէ հատուկ նախընտրական արշավ չենք անցկացնում։ Այն սկսվել է նախորդ ընտրություններից անմիջապես հետո և արտահայտվում է մեր կողմից իրագործվող ծրագրերով»,- ասաց նա։ --0—
