ԵՐԵՎԱՆ, 27 հոկտեմբերի. /Նովոստի-Արմենիա/. «Հարավկովկասյան երկաթուղի» ՓԲԸ-ն հայտարարում է վերապրանքանիշավորման մեկնարկի մասին, որի շրջանակներում կմշակվի ֆիրմային նոր անուն, ինչպես նաև նրա գաղափարախոսությունն ու ոճը:
«Վերաապրանքանիշավորման հիմնական նպատակն է Հայաստանում առաջատար տրանսպորտային ընկերության ապրանքանիշ ստեղծել, որը կներկայացնի հանրապետությունը արտերկրում և կկատարի կարևոր սոցիալական գործառույթ՝ տրանսպորտի մատչելիության ապահովում բնակչության համար», - նշվում է ընկերության մամուլի ծառայության տեղեկատվության մեջ:
Վերաապրանքանիշավորման ընթացքին կարող է մասնակցել Հայաստանի յուրաքանչուր քաղաքացի: Ընկերության կայքում կստեղծվի վերաապրանքանիշավորմանը նվիրված հատուկ բաժին, որտեղ կքննարկվեն և կհրապարակվեն վերջին մշակումները, ապրանքանիշի գաղափարախոսությունն ու դիզայնը:
Մամուլի հաղորդագրության մեջ նշվում է, որ ասօր Հայաստանի Հանրապետության կառավարությունն ակտիվորեն ներգրավված է «ՀԿԵ» ՓԲԸ-ի ծրագրերում: Համատեղ իրականացվում է Ֆիոլետովո-Վանաձոր երկաթուղային ճյուղի կառուցման ծրագիրը, որը մեծ ռազմավարական նշանակություն ունի պետության տնտեսության համար:
«Նոր ապրանքանիշը հանրապետության համար 3-5 տարի հետո կդառնա ազգային հարստություն, նրա խորհրդանիշն և հպարտությունը: Այսպիսի ապրանքանիշի իրականացման ռազմավարությունը համապատասխանում է «ՀԿԵ» ՓԲԸ խոշոր բաժնետեր «Ռուսական երկաթուղիներ» ԲԲԸ հետաքրքրություններին և ընդգրկված է կոնցեսիոն պայմանագրի իրականացման մեջ», - նշվում է տեղեկատվության մեջ:
«ՌԵ» ԲԲԸ նախագահ Վլադիմիր Յակունինը իր՝ այս ամառ Հայաստան կատարած այցի ժամանակ հույս հայտնեց, որ «երկաթուղային տրանսպորտը մեծ ավանդ կունենա թե Հայաստանի տնտեսության, թե հասարակության զարգացման գործում»:
«Հայկական երկաթուղիների» կոնցեսիոն կառավարումն իրականացնում է «ՀԿԵՈՒ» ՓԲԸ-ն՝ «Ռուսական երկաթուղիներ» ԲԲԸ հարյուրտոկոսանոց դուստրը: ՀԿԵՈՒ-ն իր բալանսում ընդունել ՀԵՈՒ շարժակակազմը 2008թ. հունիսի մեկից՝ «Հայկական երկաթունիներ» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0—
