Հայաստանի Զինված ուժերը կկարողանան զերծ մնալ արկածախնդրությունից. նախարար
ԵՐԵՎԱՆ, 11 հոկտեմբերի. /Նովոստի-Արմենիա/. Հայաստանի Զինված ուժերը բարեփոխումներիղ հետո օժտված կլինեն մարտական բարձր պատրաստականությամբ և ռազմավարական զսպման համակարգի շնորհիվ կարող են հակառակորդին ստիպել զերծ մնալ ռազմական գործողություններ սկսելու արկածախնդրությունից, ասաց պաշտպանության նախարար Սեյրան Օհանյանը
պաշտպանական հարցերի վերաբերյալ մեկշաբաթյա հավաք-պարապմունքների ընթացքում, հաղորդում է Պաշտպանության նախարարության մամուլի ծառայությունը։
Նշելով պաշտպանական հարցերի նկատմամբ միասնական մոտեցումների անհրաժեշտությունը՝ Օհանյանն ասաց, որ 2009 թվականից բարձրաստիճան պետական պաշտոնյաների համար կազմակերպվող ամենամյա դասախոսությունների նպատակը զինվորական անվտանգության ապահովման համակարգին վերաբերող բոլոր պետկառույցների սերտ համագործակցության ապահովումն է, ինչպես նաև պետկառավարման համակարգի ներկայացուցիչների շրջանում սեփական պարտավորությունների և լիազորությունների վերաբերյալ իրազեկվածության մակարդակի բարձրացումը։
Մեկշաբաթյան դասընթացները Հայաստանի պաշտպանության նախարարությունում մեկնարկել են երկուշաբթի։
Միջոցառման ընթացքում նախատեսված է նաև ՀՀ ՊՆ և ԶՈՒ ԳՇ բարձրաստիճան սպաների կողմից դասախոսությունների, ինչպես նաև կրակային պատրաստության վարժանքի անցկացում: -0-
